كشف اسرار متفوقى الثانوية العامة موضوع متجدد95%- 98%

[work_station]

المشاركة الأصلية كتبت بواسطة حامله رايه الاسلام

كل فتره بدخل الموضوع زباخد اللى يفيدنى ..ربنا يجعله فى ميزان حسناتك

انا دلوقتى مشكلتى النووووووووووم ..وانا اصلا مكنتش كده النوم كان عندى عادى

بس دلوقتى باجى من دروسى الساعه 5 وبعد كده افضل لغايه 8 مبعملش حاجه وادخل انام

واصحى سته عشان لو عليا دروس الصبح ..وهكذا ..مبذاكرش الا للدروس فى نفس اليوم اللى انا راحه فيه الدرس يعنى مش نفس اليوم ...وغير كده الرياضه والاحياء متراكمين بالذات الرياضه حاسه اللى انا محصلتش فيها حاجه ..لو قلنا المواد الباقيه 50 % لكن الرياضه تحصيلها 000 ..مشكله الرياضه دى متضايقانى كده فمعتدش عارفه اعمل ايه وحاسه اللى انا اصلا مش فى ثانويه مستوايا عادى زى ماكان مفييش تغيير اللى كنت بعمله فى تانيه بيتعمل دلوقتى ...وكنت عايزه اسأل حضرتك سؤال يكفى كتاب المدرسه فى الرياضه بأقسامها ودليل التقويم ... وحكايه تنظيم الوقت ده صعب اوووى

آآسفه على التطويي

اولا نتانى شوية هنبص على المشكلات دى كلها مرة واحدة ونجمعها على بعض هيحصل اننا نتشائم ودا عكس النظام بتاع الناس المتفوقة سر النجاح زى ما قلنا سابقا هو تفتيت المشكلة الكبيرة انتى بقا بتعملى العكس بتجمعى المشكلات الصغيرة علشان تعملى لنفسك مشكلة كبيرة وتقومى تتعقدى وهوضحلك ان اللى عند دى مش مشاكل انما سوء تصرف.


النوم؟ النوم عمرة ما كان مشكلة ان كان نوم منظم المعدل الطبيعى للطالب المتفوق معدل 7 ساعات فى اليوم او 6 فى الليل وساعة فى النهار............. طيب مش قادر استحمل درب نفسك استحمل ذل اسبوع هتنعم وتسعد براحة سنة كاملة وصدقنى مش هتموت لو نمت اقل من 7 ساعات لان المعدل 6 ساعات دا الطبيعى للبشر.


بعد ما حضرتك تخلصى الدروس الساعة 5 .......................لو حضرتك بتعملى باللى مكتوب فوق هتلاقى نفسك هتاخدى نص ساعة للاكل والشرب والرفرش وهتلاقى نفسك حسب الجدول اللى قلنا علية فى تنظيم الوقت وراكى مهمات اما سيادتك بتروحى ومفيش جدول ......لا عارفة هتزاكرى ايه ولا اجزاء المادة ايه ولا كمية المادة ايه .............وبالتالى هتزاكرى ليه؟ ما هو لسة بدرى على الامتحانات يوم ولا اتنين تلاقى السنة خلصت................يبقى الغلط منك مش عارفة تحطة الخطة ادينى مواعيدك وانا احطهالك.



الباقى كلة نتاج طبيعى لعملية اللخبطة من غير جدول محدش هيعرف يزاكر حاجة الا عشوائى وهو وحظة لكن جدول يعنى مواعيد والمواعيد محطوط قدامها ايه الجزئ اللى هيتزاكر وبكدا ضربنا عصورين بحجر واحد بنزاكر اول باول وعرفنا اجزاء المادة ايه .