ملتقى طلاب الصف الثالث الثانوى (علمى علوم) 2014

[chalijaly]

المشاركة الأصلية كتبت بواسطة lally adel

كنت بذاكر من ملزمة الميس اللى هو حفظ الكلمات و الجرامر و كده .. و بعدين كل كتاب خارجى ابدا احل فيه ابص الاول على كلماته لو لقبته حاطط حاجة زياده غير اللى انا حفظتهم اكتبها على جنب و لما اجمع مجموعه كلمات كده احفظهم سوا .. و ابص برضه على ااجرامر من كل كتاب افتحه اشوفه مكتوب ازاى و ايه الامثلة و ايه الملحوظات و كده ..
بعدين اقعد باقى الاسبوع احل .. كنت بحل ف سنة تانية من ( سيربرايز و سينبور و توب ستيودنت ) ف الشرح .. و ( سيربرايز و توب استيودنت و سينيور و جيم ) ف المراجعه ... و ف سنة تالتة كنت بحل من ( سيربرايز و بيت باى بيت و توب ستيودنت و جيم ) ف الشرح .. و نفس االكتب ف المراجعه بس بدل بيت باى بيت كان سينيور ..

جبت 25 ازاى بالحل و التمرين الكتييييييير اوى .. زى ما بقلك كنت بذاكر ف يوم و بحل باقى الاسبوع .. و كمان بمتابعه المس بتاعتى الله يكرمها .. كانت بتعلملى اللى بحله سؤال سؤال و بتابعنى ف الترانسليشن و البراجراف و الكلام اللى مش مضمون ده ..
باانسبة للبراجراف حاولى تتعودى على كتابته من دلوقتى انشالله كل اسبوع براجراف بحيث انك .. تستخدمى فيه كلمات جديدة من اللﻻ انتى حفظتيها من الكلمات اللى برة المنهج عشان تثبتيها ف دماغك .. تراعى ان الجملة ماتبقاش طويلة اوى و ملعبكة و ان الجراكر بتاعها يكون مظبوط .. تعودى نفسك على حوار ان اللى يجى ف اول الكلام يبقى كابتل و اللى ف النص سمول و مش عارف ايه .. ماتكتبيش براجراف اقل من 3 صفحات .. يعنى ال 3 صفحات دول اقل حاجة .. شطرى نفسك ف الترانسيليشن عشان كتابة البراجراف تبقى اسهل بالنسبة لك .. لانك هتحاولى تفكرى ف الجملة بالعربي و بعدين تترجميها لانجلش و دة هيساعدك ان تجيلك افكار كتير تكتبي فيها ف يزود معاكى حجم البراجراف ..
سيبك بقى من حوار الجمل المحفوظة و الحاجات اللى بتتحط ف كل براجراف و المقدمة و النهاية دى حاجات فكسانه .. اللى ممكن تبقى مفيده شوية و بعض الكتب بتعملها اللى هى شوية expressions كدة مكن تستخدميها زى its a double edged weapon و its no doubt that و مش عارف ايه .. الحاجات دى ممكن تسد خانه معاكى ..

اى حاجة تانى انا ف الخدمة

تمام شكرا
بس فى الامتحان هكتب 3 صفحات فلوسكاب؟.
طيب انا شغال من سنيور وفولماركس وزا بيست مراجعة
كفاية ولا اجيب تانى
طيب لما جربتى الكتب اللى ذكرتيها ايه احسن واحد شرح ومين احسن فى الاسئلة