يابنات المنتدى اتحدوا ؟؟

[شموخ مسلمة]

المشاركة الأصلية كتبت بواسطة اشكوك ربى

السلام عليكم
انا مشكلتى ملهاش اى حل بس كل الى انا طلباه منكم انكوا تدعولى ربنا يخلصنى منها على خير
انا ياجماعة بموووووووووووت من الوحدة الى انا فيها احساس الوحدة هيقتلنى
مع انى عايشة مع اسرتى بس للاسف كل واحد فى حاله محدش بيحس بيا
ولا حد بيقولى مالك ولما اكون زعلانة مش بلاقى حد يقف جنبى
ولما دمعى يكون على خدى مش بلاقى حد يمسحولى
بجد تعبت اوى وبدعى ربنا ليل نهار يريحنى من الخنقة الى فيها دية
لية مش لاقيه حد يس بيا غير الغرب
ولا لاقيه حب غير من البعيد ,مش لاقيه حنان ولا حب ولا دفئ
طب اعمل اية طيب ليا حق انى احب الغرب اكتر منهم ولا لاء
انا بجد مش قادرة اكمل عاوزة اخلص من الحياة دية
عاوزة اسيبها فى اقرب وقت مش عوزة حاجة من الدنيا
اكيد الى خلقنى احن عليا من اى مخلوق فى الدنيا كلها
انا مش عاوزة اوصل لمرحلة انى اقول انى بكرههم مش عوزة اللحظة دية
تجيلى ابداااااااااااا علشان كدة عاوزة اسيب الحياة
انتوا مش فى فى اديكم حاجة تعملوهالى
مش هتقدورا تعملوا لاهلى حاجة علشان يتجمعوا
بس الى انا طلباه منكم انكوا تدعولى بجد من قلبكوا
انا محتاجة لدعاءكوا اووووووووى

ربنا معاكى يارب يا حبيبة قلبى

بس معلش هحاول افضفض معاكى فى المشكلة شوية
دلوقتى ماحدش حاسس بيكى فى البيت .....مين قالك؟
مش ممكن يبقى قلبهم بيتقطع عليكى بس مش عايزين يسالوكى مالك عشان مايزودوش المشكلة.......انا عارفة انك هتقولى لا بس صدقينى فى ناس بتفكر كده و مش كله بيفكر زى بعضه

يعنى مثلا ممكن واحدة صاحبتك لو بتشتكيلها من حاجة معينة ممكن تعيط من مدى احساسها بيكى
واحدة تانية ممكن تحاول تضحك و تضحكك عشان تخرجك بره المود و ده برده من مدى احساسها بيكى
دى حاجة
الحاجة التانية بقى يا روحى الغرب
الغرب دول الله اعلم هما بيبينولك انهم حاسين بيكى ليه
يعنى ممكن بنت تبين انها حاسة بيكى بس هيا اصلا بتدبرلك مشكلة جامدة_بعد الشر عليكى طبعا من المشاكل_
بصى يا حبيبة قلبى نصيحتى ليكى اتكلمى و فضفضى يعنى مش كل مرة تقولى ماحدش حاسس بيا لان برده ممكن يبقى اهلك اللى انتى بتقولى مش حاسين بيكى عندهم مشاكل جامدة بس مش عايزين يشيلوكى هم حاجة
هل انتى كده مش حاسة بيهم؟؟؟؟؟؟؟؟؟؟
بصى يا قلبى احنا دلوقتى فى زمن بجد الكل مشغول هتقولولى انا اهم حاجة فى حياتهم المفروض يتشغلو بيا انا
اقولك تمام و هما برده مشغولين بيكى بياسسولك مستقبلك ...عايزين يريحوكى و معتمدين انك لو فى اى حاجة تاعباكى هتقوليها ليهم
فبلاش يا روح قلبى تيجى ع اهلك
بصى حطى نفسك مكانهم بكل مشاكلهم
و حاولى تطلعى اللى جواكى فضفضى و ما تخافيش .......ماتخافيش من سوء الظن
قولى و اتكلمى
لصاحبتك..........لاختك.........لمامتك
لاى حد بس يكون قريب منك لان ماحدش هيخاف عليكى اد القريبين منك

و احذرى ثم احذرى ثم احذرى من اى حد غريب يبينلك انه حاسس بيكى
لانه مش حاسس بقرايبه لانه لو حاسس بيهم هيبقى صعب انه يحس بيكى لان الكوباية المليانة ماينفعش تحطى فيها ماء زيادة

ربنا معاكى يا حبيبة قلبى يارب و يفرج كربك و يجمعنا فى الفردوس الاعلى