فضفضة واحد مجهول

[هتـــلر]

متفتركش ان حد احسن منك ابداً
ميغركش اللبس و لا الشهادات و لا حتى الدماغ
انت يومك 24 ساعة ويومه 24 ساعة
الوقت اللى هو بينمى فيه نفسه فى حاجه انت بتنمى نفسك فى حاجه تانيه
حتى لو تضيع وقت او مش بتعمل حاجه دماغك مش بتقف و اكيد هتشوف حاجات اكتر منه و مختلفه عنه
حتى فرجتك على التلفزيون هتخليك مميز عنه عشان هتشوف حاجات هو مشفهاش عشان مشغول فى حاجات تانيه بيعملها

كل واحد فينا جواه ذخيييره من المعلومات المختلفه مش شرط تكون المعلومات ثقافيه او دينيه او علميه بسسسسس لا المعلومات تشمل كل جوانب الحياه

و على فكره
انا مره قعدت اقرا عن حاجه كده مش فاكرها اوى دلوقتى بس كانت معقده اوى اوى
و بالصدفه بقلب فى التلفزيون و شفت مسلسل و لاقيت المشهد بيتكلم عن الحاجه ديه و فهمتها بشكل وااضح اوى من المشهد واستفدت جامد


فمتفتكروش ان الشخص اللى قاعد 24 ساعه ادام كتب او جرايد احسن منك فى حاجه
لان العلم وسايل تحصيله مش محدوده

و الانسان كل لحظه علمه بيزيد او تفكيره بيوسع اكتر لوحده و انت مش هتدرك ده عشان انت غرقان فى افكار المجتمع الهابطه ان اللى يمسك كتاب هو اللى مثقف وانت غبى وبس


انت مميز و عندك حااجات ناس كتير مش عندها و ليك دماغك الخاصه و خبراتك الخاصه
متقللش من نفسك عشان شفت حد اهتم بجانب واحد من حياته على حساب جوانب كتير تانيه
متفتكرش المتفوق فى دراسته حياته كلها متكامله التفوق ده محتاجه تضحيات كتييير اوى اوى و اكيد هو عنده خلل فى نواحى كتير فى حياته و الخلل ده مش موجود عندك


ثق فى نفسك و متسمحش لحد يحسسك بالنقص او الضعف و خليك زى ما انت متتغيرش عشان حد
و تطوور اللى بتحبه وبسسسسس