|
||||||
| الأدب العربي قسم يختص بنشر ما يكتبه كبار الشعراء والأدباء قديمًا وحديثًا |
|
|
أدوات الموضوع | انواع عرض الموضوع |
|
#1
26-12-2013, 12:02 PM
|
||||
|
||||
كلكم واحد
كلكم واحد
الشاعـر عبدالله حسن كلكم واحد -- بابتسامة سخيفة ميعة ومصر بين احلامكو ضايعة واللي باقي منكوا فاسد كلكم واحد واحنا اللي ما بين السطور هنا فـ انتظار الدور لو عايزني هتلاقيني بص شوف اقرب طبور ولا مستشفى حكومي بص .. سيبك من هدومي والسواد من تحت عيني ولا طين مالي أيديا والتراب اللي فـ جبيني من سجودي ع الحصيرة مشكلة عيني يا عالم.. انها كانت بصيرة والنظر بيزي مأسي بص.. سيبك من مداسي نص نعل ونص كعب عيشنا دنيتنا بنضحك نص جد ونص لعب بص .. سيبك من بياض الشعر ركز في بياض القلب عندي مـ الاولاد تلاتة او يزيدو في المدارس عندي عيل كل يوم الصبح عايز في المرايا لوحدي باصص صوت في احلامي بيهتف انت عاجز جتلي ساكتة ابن نكتة اللي دهن الدنيا دوكو وعبا شمسه فـ الازايز النهاردة لوحده خايف النهاردة فتح جرايده بص علي ركن الوظايف الامير ابن الاميرة يطلب الدكتور فلاني لجل ما يغير لعيل ولا يغسل فـ الاوني خد بطاقته ولف لفة عـ المواني وابتدا يبعت رسايل اسمي .. اسم الاب .. اسم الام .. اسم الجد .. اسم العيلة حاجة الوظيفة : اي حاجة المرتب : اي حاجة الشهادة : اي حاجة البلد .. جنـسيتي وسكت نزلت دمعتي مصري كان يوم احلى حاجة السكوت فـ الذل حاجة والسكوت فـ القوة حاجة بس مستحمل لحاجة كل يوم الصبح عايز العيال بتحب حاضر بس تكره لا وجايز متقولوش للطفل لا بس احسبها معايا اللي عايز لعبة بكرة يعوز له شقة اعمل كان غصب عني لم ينوبني اي حصة من الموالد كلكم واحد مش بتفرق لو بتعرف تقرا ولا كان معاك جايزة نوبل بس تفرق لو بتشبع لما تاكل ولا تشبع بالأمل لو تكون الديب علينا بس ومعاهم حمل لو إمام زي الائمة العبادة من العمل شوفت شكلي سمعت صوتي يوم ما كنا علي الجبل كنت تتحامى فـ مقرك وانا بهتف جوا قصرك انا بكره الاخوان وبقولها لو اتسئل ومش هموت جبان ولا أخش المعتقل ليه بقينا فـ بعض ناكل؟ بقه في مقتول وقاتل ومفيش ذرة خجل هاتوا حق اللي ماتوا طب قولو مين قتـل صحبي يا سادة ودع صحبي فراقه بيوجع صحبي الطاهر سئلني مين جيه فـ حقي وأكل ؟ انا ولا انتو يا سادة صحبي عيل مناضل ضحكوا عليه بالهبل ولانه شخص عادي نفس الوشوش بتضحك بعد فراقه وعادي وده خاف علي عمره بعده منزلش وقالي عادي واللي فـ القصر قاعد شاف موته ورد عادي حتى فـ الموت بتفرق مشهد موته بيبدأ نازل من غير ما يعرف بس مودع صحابه واقف فـ الصف جنبي نفسي افهم ايه اللي جابوه روح بيتك يا عم قالي المكان نقصني نفس اللي جابوه جابني شايف صورتك يا ابني بتقولي الصبح عايز لفت عيني بتوسع في ضرب ورا الحواجز اجري اتحامى فـ لمة وطيت والدنيا ضلمة زرعتلي الارض طوبة طوحت دراعي شافني وصراخ احدف بذمة وكأني حدفت عمري وبموت ولا قولت توبة هيقولو عليا خاين الدم اللي فـ عروقه فـ الضلمة مكانش باين أنه مغرق قميصه كان مشاركني الكوفيه والطلقة مجاتش فيا ولا حزني عرفت أقيسه خبي الاحلام بتوجع خبي الاحلام جريمة ضحكوا عليها وعليا ولاد الناس اللئيمة نفس الناس اللي يجروا هما الناس اللي تاجروا هما الناس اللي فجرو زي الناس القديمة خلص المشهد وخلصت لا انا عارف مين اللي ميت ولا عارف مين اللي صاحي ولا باقي من الأدلة إلا الاحزان وقلة ناس بتزود جراحي في الوحدة سئلت نفسي مين باعني ومين شاريني وفضلت فـ نفسي اجرح جمعت الناس معايا والأولة كنت اطرح مين فينا واخدها جد مين فينا باينله سكة مسكتني الدنيا مسكة وخبتلي الشوك فـي ورد شدتني من دراعي وقلتلي شم غصب احساس بالقهر جالي احساس بالخوف ده صعب فـ نزلت لوحدي بهتف الشعب يريد .. يريد للفجر باينله قوما ولا باين من بعيد كنا أغبيا بالتناوب و فـ وش الهم سايب علامات لجل الزمن يعرف يرجع طريقه ويعود من تاني نونو لا شجر عادت غصونه ولا بحر شكر غاريقه لا وطن عارف يساعنا ولا باقي حاجة فينا ملعون دي ديمقراطية صدرها الغرب لينا ولا شوفنا الا الخساير عيش حرية وكرامة إمضاء عمك أوباما مفجر ثورة يناير مش ذنبي اني بحلم متقولش الماضي ارحم علشان عايش في محنة الثورة اللي هتيجي هتكون بإيدينا احنا احفظ وش اللي خانك واملا ارضك مقاومة اتشرف باللي ماتوا ومتقبلش المساومة واحفظ نشيد بلادي وان قبلك اي خاين مستني تجيله فرصة قوله انت نسيت تاريخي وكذلك اليوم تنسى القصيدة بصوت الشاعر الفيديو آخر تعديل بواسطة aymaan noor ، 26-12-2013 الساعة 12:13 PM 
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 11:38 PM.
