بخصوص الجودة

[mr.ahmedgalal2010]

السلام عليكم
جالنا منشور للمعهد بخصوص الجودة والكمبيوتر
واشترطوا ارسال بيانات معلم اول لا يزيد عن 45 سنة ومؤهل عالى ويعرف فى الكمبيوتر ويوضع اسمه فى الاستمارة المرسلة من قبل الادارة
مفيش اى حد عندنا تنطبق عليه كل الشروط دى وانا اقرب واحد لهذه الشروط
بس انا معلم لسه مثبت الشهر اللى فات ده وبدرس انجليش واعرف فى الكمبيوتر
الناظر طلب منى يكتب اسمى وانا قلتله لا فبعت وقالهم لا يوجد احد فبعتوا ناس من الادارة وقالوا للناظر ان فى واحد عندك يعرف فى الكمبيوتر ( على انا ) وانهم لازم يكتبوا اسمى فى الاستمارة وده كله مجرد شكليات ومفيش اى حاجة هتحصل بس المهم يملوا الخانات زى باقى المعاهد وانا مش هيكون عليا اى مسئولية انا موقعتش على اى اوراق ولا وافقت ، بس هما خدوا بياناتى من الادارى
المهم انا سالت وعرفت انه لو بعتوا اسمى للقاهرة يبقى انا اللى هكون مسئول الجودة فى المعهد بتاعى وكل يوم والتانى اروح دورات ويطلبونى فى الادارة والمنطقة ومش هاقدر اخد نفسى وانا عندى ظروف تمنعنى من انى اروح واجى زى ما هما عايزين
ياريت تقولولى اعمل ايه قانونا وهل من حقهم يجبرونى على تحمل المسئولية ، ولا اروح الادارة واعمل مشاكل هناك زى ما فى ناس قالتلى
ياريت لو سمحتوا عايز رد بسرعة من اهل الخبرة
وجزاكم الله خيرا