هتقاطع الدستور .. اقولك ليه ..

[Reda_K]

لما يخلي شيخ الازهر غير قابل للعزل .. يبقى أقاطع ..

الإجابة ببساطة : أن الأزهر سيكون مستقل فلا يستطيع رئيس الدولة نفسه أن يعزله فيفتى فى أمور الدين دون خوف من الحاكم
لما يكون من حق المسيحين عمل المدارس لجميع الطوائف .. ومش من حق اي جماعة مسلمة تعمل اي مدرسة باسمها .. يبقى أقاطع ..

الإجابة ببساطة : وهى المدارس اللى بتنشئها الحكومة مدارس كافرة يعنى ذى ما المسلمين بينشئوا مدارس هم كمان من حقهم مدارس خاصة
وبعدين قصدك مين بالجماعة المسلمة وهو احنا إيه .. خلاص فهمناكم

لما يخلي القائد الأعلى للقوات المسلحة غير قابل للعزل ..يبقى أقاطع ..

الإجابة ببساطة : أولا هى لمدة انتقالية 8 سنوات .. وايه العجيب فيها أليس من الأفضل أنيكون القائد الأعلى بتوافق من ضباط الجيش .. ولا يجى رئيس ويعين واحد من جماعته علشان يعمل انشقاق فى الجيش لا قدر الله وطبعا كان فيه رئيس سابق يتمنى هذا

لما يساوي الرجل بالمرأة .. يبقى أقاطع .. انا مش بهضم حق المرأة انا بقول ازاي احنا دولة اسلامية .. وديننا لا ينص على مساواة الرجل بالمرأة .. يبقى أقاطع ..

الإجابة ببساطة
أنعترض على أمر قضاه الله فى قوله:
" أنى لا أضيع عمل عامل من منكم من ذكر أو أنثى بعضكم من بعض "
وقول الرسول " النساء شقائق الرجال "
أليست هذه مساواه - أليس لها حق الميراث - ألم تخرج فى الغزوات مع الرسول
أم أنتم "تؤمنون ببعض الكتاب وتكفرون ببعض "

لما يخلي حرية الاعتقاد مطلقة .. يبقى كأنه بيقول انتا يا ازهر مفيش حاجة عندك ايمها الردة .. يعني واحد يقوم الصبح مسلم .. يروح الأحوال المدنية يغير دينه لبوذي .. بكل حرية .. يبقى أقاطع ..

الإجابة ببساطة :
أليس فى الإسلام حرية اعتقاد
ألم تقرأ قوله تعالى " لكم دينكم ولى دين "
ألم تقرأ بنود صلح الحديبية مع المشركين فى حرية الاعتقاد
عرفت ليه تقاطع ..
الإجابة ببساطة
عرفت ليه هقول نعم