فوق يا عم انتا

[دّقْـــةُ قْـــلِـــبّـ]

المشاركة الأصلية كتبت بواسطة ahmedelfangary

دلوقت احنا في اواخر شهر واحد
انتا هتقوم على حيلك تتوضا وتصلي ركعتين
على الوقت اللي ضيعته
ولاني المزاكرة دي امانة وانتا لامؤاذة يعني خنتها
هتصلي الركعتين دول علشان ربنا يغفرلك اللي فات
وعلشان ربنا يوفقك في اللي جاي
وادعي بس بإخلاص ان ربنا يوفقك ويحققلك حلمك
بعد ما صليت
انا عارف انك كاره شكل الكتاب
والله كلنا مرينا بالظروف دي
بس الشطارة انك تقعد مع شخص بتكرهو
بل بالعكس انك تخليه احب حاجة ليك
وانك تعرف كل اللي فيه
طيب
انتا هتجيب الكتب وتشوف انتا خلصت ايه في المواد اللي عندك
الحالة الأولى :: اكيد لو انتا شغال حلو من أول السنة هتكون تقريبا خلصت تلت ارباع المادة
يبقى هتقد على الكتب لحد نص شهر اتنين بس بتركيز وجدية وتخلص المادة
ومش لازم كده بالظبط ممكن تخلص بدري
الحالة الثانية :: ولو مفتحتش الكتب أو مخلص نص أو ربع المادة !!
مقدرش اقولك انك في حالة كويسة انتا وضعك حرج
انتا هتقعد على الكتب لحد آخر شهر اتنين
ومش لازم في آخر شهر اتنين ممكن تخلص بدري .. حسب استطاعتك
عايزك تخلي الكتاب حياتك
تعيش من الجامع للدرس للكتاب
حاول تسرع أكبر قدر ممكن
حاول تركز جدا .. ومتخفش تقدر توصل لحلمك
قال الله تعالى ( إن الله لا يضيع أجر من أحسن عملا )
فانتا هتزاكر بجدية وتحسن نيتك
يعني زاكر وخد أجر
يعني مثلا هتقول :: انك بتزاكر علشان ترضي ربنا وتكون فخر لأبوك وأمك
طيب يا بتاع الحالة الأولى ::
بعد ما قفلت المنهج وانتا في نص شهر اتنين
انتا باقي معاك تقربا في شهر اتنين 15 يوم وباقي تلت شهور ونص على الامتحان
هتمسكلك في 15 يوم دول 3 مواد ويا ريت يكونوا الأصعب
أو اشتغل في المواد كلها زي ما انتا عايز
وفي اول 15 من شهر اتنين هتقفل المواد الباقيين
على فكرة انتا لو شديت حيلك ممكن تخلص الفصل من أي مادة في يومين
ده على أساس انك بتزاكر وتراجع من أول السنة
وحاول تقل الدخول على النت الفترة دي
بعد كده وانتا في آخر 15 يوم من شهر اتنين
حل امتحانات كتيرررر جدا
ومن الامتحانات قيم نفك وشوف ايه الجزئيات اللي عايزة تتظبط
وبرضو راجع مراجعة شاملة
وبعد كده في شهر اربعة وخمسة راجع كل المواد أكبر قدر ممكن وحل امتحانات كتيير
وحل عليهم امتحانات كتييير
أما انتا يا بتاع الحالة التانية ::
بعد مخلصت المادة انتا دلوقت في أول شهر 3
انتا هتقعد لحد آخر شهر تلاتة تراجع بس مراجعة صح
وممكن تقسم المواد على جزئين
جزء في أول 15 يوم
والجزء التاني في آخر 15 يوم
وبرضو حاول تقل دخولك على النت أو متدخلش خالص
وفي أول 15 يوم من شهر 4
حل أكبر قدر من الامتحانات وقيم نفسك من خلال الحل
وشوف ايه الجزئيات اللي محتاجة مراجعة
وبرضو راجع مراجعة شاملة
وفي الشهر ونص اللي باقيين اقد راجع أكبر قدر ممكن وحل امتحانات كتيير



يا رب أكون أفدتكم
وأنا والله مش بعمل كده إلا لإني مكنتش لاقي حد يقولي كده
وقدر المرحلة دي لانها مرة في العمر


دعواتكم

كلالالالالالالالالالالالالالالالالالالالالالالالال الام رائع جدا جدا بجد

ويسعدني اكون اول حد يرد عليك

وانا الحمدلله فضلي 3 ايام واخلص الامتحانات

ربنا يوفقنا جميعا يارب

جزاكم الله حيرا علي الموضوع