ملتقى طلاب الصف الثالث الثانوى (علمى علوم) 2014

[هتـــلر]

المشاركة الأصلية كتبت بواسطة maia7med

انا حاسة ان انا ضايعة بجد في كل المواد
وخصوصا العربي والفرنساوي مش عارفة فيهم اي حاجة
ومع ذلك الدرس الواحد في العربي بياخد معايا اكتر من 4 ساعات مذاكرة
___ يا ريت لو حد عنده طريقه لمذاكرة العربي لكل فرع يفيدني لأن فعلا انا محتاجة ازاكرة وكأني لسه مخدتش فيه حاجة هو
مع اني بذاكر دايما ورا المستر بس بحس اني مبلحقش احل ولما اجي اراجع الدرس ال ذاكرته تاني بحس اني اول مرة اشوفه
وغير كدا مبقاش عندي دافع وحسه اني معنديش دم
ودايما حاسة اني ربنا مش هيكرمني عشان الوقت ال ضيعته
غير اني بلاقي اصحابي عاملين ال عليهم ودايما مذاكرين وحلين اكتر من ملخص في كل مادة
فبيأس وبقول انا هبقى ايه جمبهم
وكل ما أسأل حد كان قبلي في ثانوية يقولولي د احنا كنا بنزاكر بال10 ساعات وال15 ساعة ومش عارفة ايه
فبقول لنفسي ان خلاص الوقت فات ودايما حاسة بتأنيب ضمير
لأن مقتنعة ان ربنا بدي كل واحد على قد تعبه وان لكل مجتهد نصيب
ومع اني حاولت اعمل كدا ومنعت نفسي من النت والتليفزيون يعني بقعد عليهم كل فين وفين وبردو بزاكر أول بأول بس بحس اني بزاكر مزاكرة اي سنة مش مزاكرة ثانوي
بجد مش عارفة اعمل ايه
كان دايما حلمي اني ادخل طب دلوقتي بقول لو لحقت صيدلة هبوس ايدي وش وضهر

ومعلش لو ضايقتكم بس كنت محتاجة افضفض لأي حد

ان الله لا يضيع اجر من احسن عملا
والقلق على فكره مفيد جداً لو استخدمتيه صح عشان على ما اظن بيخلى الجسم يفرز هرمونات تساعد على التركيز اكتر و التحمل اكتر
انما لو انتى ريلاكس هتلاقى نفسك بتذاكرى المعلومه براااحه اوى اوى و هتاخد وقت منك كتير + هتسرحى كتييير اوى و هتلاقى نفسك خلصتى حاجات قليله فى وقت طويل
وربنا يثبتك و يبعد عنك الافكار الهدامه