انت مش هتشيل شطنة الموجة بل والمقشات كمان

[sadq]

افرض إن واحد معلم اتخانق مع واحد عامل وضربوا بعض- مع جميع التحفاظ- ما هو الإجراء الروتينى والضرورى؟
طبعا جزاء للاثنين خمسة أيام على الأقل .. لغاية هنا عادى وطبيعى لحد دلوقتى وقبل تطبيق العلاوات الجديدة ، لكن انظر إلى المحصلة بداية من الآن:
- مرتب العامل 700 جنيه +400 حد أدنى بدون شروط يعنى 1100 جنيه ويظل كما هو بعد الجزاء.
- مرتب المعلم 900 جنيه +360 علاوة أعباء بشروط تحذف بعد الجزاء فيكوون مرتبه أقل من مرتب العامل الذى عين معه فى نفس اليوم بمائتى جنيه ويستمر هذا الوضع لمدة سنة وفى رواية سنتين!!!
إيه رأيكم ؟!!يعنى بالعربى كدة لو أى واحد عامل مع احترامى للجميع شتمك أو قل أدبه عليك لازم تسكت وإلا اتخرب بيتك وهو يعمل معاك الجلاشة وديتك 50 جنية.
طبعا أنا مقلتش إن المعلم يتخانق مع حد ولا يضرب حد علشان محدش يزايد على لكن هذه حالة من الحالات الفجة والتى يظهر معها مدى فداحة تطبيق الشروط التى وضعتها الوزارة لعلاوة ما يسمى بالاعباء ولو كل واحد شغل دماغة هيكتشف ثغرات خطيرة جدا وكلها تصب فى صالح إفساد العملية التعليمية عن طريق إذلال المعلم.