كيف اتعامل مع الورقة الامتحانية؟...ساعدونى

[ابانوب ايليا]

اهلا بيكم جميعا يارب تكونوا كويسين

عاوزكم تفيدونى خصوصا اللى ليهم تجربة سابقة فى ثانوية عامة كيف بتتعاملوا مع الورقة الامتحانية؟ انا دايما معظم درجاتى اللى بنقصها بتكون من غلطات غبية جدا لو واحد فى اولى ابتدائى ميقعش فيها وده دايما بيحصل معايا فى امتحانات نص السنة واخر السنة....بس الموضوع ده ابتدى يزداد خطورة لانى دلوقتى فى ثانوية عامة وده لو حصل معايا فى الامتحانات حتدمر نفسيتى...

انهاردة استاذ العربى ادانا امتحان الدجة النهائية فيه من 56 انا جبت درجة وحشة للأسف والاستاذ زعل منى .....جبت 49 ونص بسبب الغلطات الغبية اللى لولاها كنت جبت فوق ل54 علما ان الامتحان مدته ساعة واحدة بس.. شامل كل الفروع ماعدا التعبير

ساعدونى اتعامل ازاى مع الورقة الامتحانية؟