رباعيات الحكمة لـ " عبد الرحيم منصور "

[أسيل رزق]

16- الحكمه من غير شفايف

قول يا حكيم القبيله
بترتعش ليه وخايف
مالناش غيرك وسيله

Ө Ө Ө

17- سمعت حكمه وقلت

يا هل ترى مين كاتبها
قالوا الألم والكبت
والصمت هوه صاحبها

Ө Ө Ө

18- الليل ده عالم وعالم

عالم وساتراه بيوت
عالم بيعسكر بعالم
وعالم ماهوش لاقي قوت

Ө Ө Ө

19- هات من جرابك وقوللي

يا اللي إنت عارف البعيد
وأديني سدرك يا خلي
سدرك كأنه العيد

Ө Ө Ө

20- عالم وبودان كبيره

سامعه وماهيش سامعه
الضحكه بتساوي حيره
والفرحه بتساوي دمعه

Ө Ө Ө

يـــ تـــ بـــ ـــع