يلا نشجع بعض ومن انهاردة مفيش يأس

[شهد اليوسف]

السلام عليكم ورحمة الله وبركاته
ازيكوو يا جماعة واحشني مووووووووت يارب تكونو كلكم بخير
الموهم انا حاسة انو كلو محبط مش انا بس فحبيت اغير من المود الزفت اللي عايشين فيه دا ويكؤؤن عندنا شوية أمل في بكرا واللي فات مات ومش نئعد نتحسر علي اللي فاتنا اصل الزمن مش بيرجع لوراء في اللي فات سيبك وبدلا من اننا نئعد نزيد الطين بله لا لاااازم نتغير وقفة جاادة مع النفس يا جودعان
وحياة ربنا مع اني مش عارفة حاجة في اغلب المواد بس عندي تفائل وامل اني هدخل صيدلة وكلو دا بثقتي في ربنا وهعمل اللي عليا ومن بكرا الجدول هيشتغل ومش هنام غير لما اخلص اللي عليا وبعدين مفيش حد بياخد نصيب حد يعني والله اللي في الخير لينا ربنا هيخلينا ندخلها يعني هي اكيد مش اخر الدنيا الصيدلة او الطب بس احنا هنعمل اللي علينا وهندخل بردك
بس يلا من انهاردة عايزين نبدا بجد كفآآآيه لعبة بجد من هنا STOP
هنبدا الجد بئا احنا عايزين نخلي الموضوع دا ندخل نئول عاملنا ايه كل اسبوع مرة ونجهز الاسئلة اللي نسالها لبعض واللي يعرف يجاوب هي مرة وحدة في الاسبوع وعايزين باذن الله نخلص المواد كلها مذاكرة حتي ولو مرة وحدة لحد يوم 4/4 دا بحسب جدولي الشخصي وكل واحد وقدراتة
عآآآآيزين نشجع بعضينا لاني بجد في حاجة للي يشجعني واكيد انا كمان هنشج بعض باذن الله وهنذاكر ويكون عندنا ثقة في الله كبيرة انو هنجيب الكليه اللي عايزينها بالزوء وبالعافيه طبعا دا كلو بارادة ربنا
بس يلا نتفق كل يوم جمعة من الاسبوع ندخل ونسئل احنا عاملنا ايه وانجزنا ايه خلال الاسبوع كلو عشان باذن الله لما ندخل الحاجة اللي بنحلم بيها نخدل المنتدي ونبارك لبعض ولو حد عجبتو الفكرة يبئا اشطآآآت وايه رايئكم ؟؟؟؟؟؟؟ انا عايزة استفيد وافيد غيري يلا عشان الناس تيجي تئولنا انصحونا وعملتو ايه ونحس انو لينا قيمة في الدنيا دي ونفرح اهلنا ونرضي ربنا اول حاجة اكيد
يلا بئا مع السلامة ربنا يوفقنا ويوفق الجميع يآآآآآآآآآرب