ذكريات :)

[مريم السباعى.]

وما بين صندوق الذكريات
وقت لحظات الدعبثه
وارك مليون الف حاجات
وفى ثانيه
تلقى روحك وقفت صفا
وشعور غريب يالقشعرة
ياااااااااااااه
صورة بقلها كام سنه
والشكل ماله؟
متغير كدة
حتى المشاعر يا جدع!
وتدور تانى
وكان هنا حجاره ودع!
تقلبلك كل حياتك لحظه
مليانه حنين مع شوق مع لهفه
وهوى بينعكش قلبك فرحه
ريحه الامل
وشاطئ رومل
والعب على الشط الجميل
كنا سعتها صغيرين
والبنت دى !
لساها ريحه البحر
بضفر شعرها
وشكل النسيم
هو و بيداعب خدها
فاكر حبى لها
واول جواب بعته ليها
وفاكر برضه درها
وفاكرلسه!
اول لهفه واول بصه
واول كسفه
من بنت احاول اقرب منها
ياااه على الذكرى
وشويه واحس برجفه
صورة بتقرب من بعيد
باب حديد
يوم ما مشينا وسبنا البيت
كان حى قديم
وسط ناس
بتغطى بطيتهم
وبجد فهمت معنى
كل دعوه صادقه منهم
لسانى فاكر لعب الكورة
وتحت السلم
وتربزين
وزعيق امى
حاسب لا تقع يا حزين
فاكر لمتنا
وصابحنا
واستاذ جرجس جارنا
بيوصينا بدروسنا
كان طعم العب فى روحنا جنان
وصوت بيداعب ودنى حنان
بلاش شقاوة يا عيال
كان صوت عجوز ودافى
كان صوت عم جمال
بقال بيبع الصبر
لناس مش لاقيا غيره
ايوة
لسانى عايشش فى الماضى وخيره
لسانى اتعلم من حزنه وفرحه
ومهما تروح ايام وتودى
راح هفضل احن ليوم منه

بقلم /اشرقت الشمس