هام لكل المتعاقدين اللى المفروض اتثبتو

[مستر شريف راضى]

ياجماعه ايه اللى بيحصل معانا ده هما ليه مش حاسين ولامعترفين بينا انا كنت النهارده فى الاداره بقدم الافاده واقرار القيام بالعمل زى ماطلبو مننا قولت اسال الموجه المالى احنا هنمضى العقد ونقبض ع الجديد امتى وكان الرد بمنتهى البرود واللامبالاه لا لا لا مش قبل شهر 7 لسه الورق هيروح المديريه ويتراجع وبعدين يبقو يبعتولكو قولتله قدامنا كتير يعنى قالى مانقولتلك مش قبل شهر 7 المهم انا اتصدمت تخيلو واحد عنده 37 سنه ومتزوج وعنده اطفال وفاتح بيت ب280 جنيه فى حين ان الاصغر منه سنا بيقبض خمس اضعافه بصراحه ده ظلم انا عاهدت نفسى وزملائى انه لو ماتنفذش التثبيت وقبضنا مرتب محترم على شهر 4 هنعمل اضراب لحد ما يشوفولنا حل خاصه اننا عرفنا ان شهر 3 اتعمل ع القديم برده لا بديل عن الاضراب من فضلكم عاوزين نقف ولو لمره واحده وقفه رجل واحد يمكن يحسو بينا شويه بجد حراااااااام والله احنا جالنا اكتئاب ومالناش نفس للشغل ياجماعه الموضوع نفسى قبل ما يكون مادى ارجوكم اتحدو ولو لمره لابديل عن الاضراب اذا لم يحسم موضوع التثبيت وتعديل الراتب الهزيل وحسبنا الله ونعم الوكيل