كل يوم بقول بكره هبدا ؟؟

[سوبر ساره]

بصى يا ستى أنا كانت حالتى متدهورة من سنة أولى وبدأت أتحسن شيئاً فشيئاً
حتى السنة دى مكنتش بذاكر أد كده بس فى الأيام الأخيرة بقيت بقوم الساعة 5
وأصلى الفجر وأقعد أذاكر لغاية الضهر مفيش مانع من فنجان قهوة أو كوباية شاى تفوقنى
والضهر أنام ساعة أو ساعة ونص وأقوم أكمل مذاكرتى وأروح دروسى لأنى عاملة الدروس من العصر لغاية بالليل
بحيث أكون خلصت كل مذاكرتى وواجباتى وأرجع أنام على الساعة 9 أو 10
وطبعاً الصلاة أساسية جداً عشان ربنا يوفقك

بالنسبة للمذاكرة ممكن تذاكرى من مذكرة المدرس وبعدين تحلى تمارين على الدرس من كتاب خارجى وكتاب المدرسة
وكل فصل يخلص تحليه من دليل التقويم وفى الآخر تحلى امتحانات السنوات السابقة حسب ما تلحقى
يعنى لو حتى 20 امتحان فى كل مادة على آخر أسبوعين

كده تبقى تمام وتضمنى بإذن الله درجة حلوة

وصدقينى لو عملتى كده هتلاقى عندك وقت كتير
بس لازم تبدأى من دلوقتى ويكون عندك عزيمة