قصيدة عن قصتى مع الثانوية بتأليفى

[Nana_kh]

السلام عليكم ورحمة الله وبركاته



الناس الحساسة اللى بتحبط من اقل حاجة تمشى من هنا عشان جرعة الاحباط عهنا زيادة عليها


الناس اللى بتستحمل مفيش مشاكل لو قعدت




بسم الله


هحكى قصتى بوضوح من لما سمونى أمانى


وقالوا اسم على مسمى ..ده كل الامانى احلامى

وكتبت اسمى مع الناجحين.وقلت ان شاء الله ده مكانى

ومستنية ثانوية العامة.. اتاريها هيا مستنيانى
وبدأت السنة عادى ..بضيع يوم ورا التانى
ولسه المنهج برده خفيف..ولسه الوقت ادامى
دروس اخدتنى فى دوامة..والاقى الوقت فات ونسانى
وابكى دموع تغرقنى ..واقول فينك يا وقتى الفانى
واشوف عيون بابا تأنبنى..وعيون ماما اللى بتعانى
وارسم وش زعلان منى,,بيبكى ومن شكله بكانى
واحاول اقف من تانى..وذكريات الماضى شدانى
تقولى فكرة نفسك مين..هو اللى ذاك هيسوانى
وادعى ربى مكسوفة ..يفرج كربى واحزانى
واخاف ابص للساعة..الاقى الوقت فى بيره رمانى
واحاول اقف بالعافية ..واصالح كتبى اللى مخصمانى
واقول هو انا زعلتك..تقولى طول السنة هجرانى
واحايل درس ورا درس.وعلى خدى دموع مأنسانى
وبجر فى الكلام جر..كأن المذاكرة مش قبلانى
وانام نومة بدون احساس..وكتبى حواليا مغطيانى
واحلم بحفلة نجاح..والناس فيها محوطانى
وزغاريد وهدايا فى كل مكان..بلالين وحلاوة وتهانى
واصحى من نومى مذعور.وادخل فى النوم من تانى
والمرادى احلم بنوتة..فى المذاكرة مرقبانى
ومتبعانى درس بدرس ..وفى الازمات مساعدانى
وافوق نفسى من حلمى..لازم انجح بنفسى مش بوحدة مشركانى
واصحىعلى رنة التيلفون.من صاحبتى اللىوحشانى
تقولى افرحى بأيت امشى..اد ايه كلمتها وجعانى وحشتينى يا اغلى صاحبة..ده انتى روحى مقسمانى
ومن تانى احط الحلم ادامى.. واقول مش هقف انا مكانى
وامسك كتبى اهزأها
ليه قاعدة وسيبانى
أالف شعر فيكى
والحن بدموعى اغانى


احم احم انتهت القصيدة
عارفة انها حلوة
اللى عنده نقد يخليه لنفسه ((هزار والله انقدوا براحتكم))
الحقوق محفوظة ليا
واللى هياخدها هاخدها حسنات منه يوم القيامة
((تهديد بس))
هذه القصيدة تخليد ليوم الخميس 20 مارس 2014
عشان نمت فيها حوالى 18ساعة

توضيح
امانى ده اسمى الحقيقة
صديقتى اللى ذكراها دى انتيمتى حصلها شبه حادثة وعملت عمليةومقدرتش تمش بعدها واجلت السنة دى بعد ما حجزنا الدروس سوا وبدأت تقدر تقف لوحدها دلوقت
ادعولها وادعولى