أنا فاشل ، ومش هاجيب مجموع !! :( :@

[Ahmed TiToOo2011]

بسم الله الرحمن الرحيم

السلآم عليكم ورحمة الله وبركاته


بآقي شهر وشوية فكة علي الامتحانات ...

- يخربيتك يآعم انت فكرتني ليه

^____^

معلـــش بقـى إستحملني .. أنا جآي أفكرك بشوية حاجات كدة وماشي تاني ، مش هاطول عليك صدقني ...

- طيب إنجز يآعم يا بتاع الامتحانات ، عآوز إيه

إيه يآعم مآلك قآفش كدة ، فُك التكشيرة دي بس وصلي ع النبي كدة بدل ما انت عآرف

بص يآ سيدي ..

قول معآيـا :
- أنا فآشل
- أنا مش هاجيب مجموع
- أنا بضيع
- انا مش هاحل في الامتحانات
- أنا خايف من الامتحانات
- انا مذاكرتش من أول السنة ، ومش هالحق ألم
- الامتحانات قربت .. انا هانتحر
- كل اللي بذاكره النهارده ، بنسآه بُكرة
- أنا غبي
- الله يخربيته الأزهر هو اللي ضيعني
- الله يحرقها الجيولوجيا هي اللي عملت فيّا كده :/
- الهي تولع الرياضة بجاز ، كل دي فروع
........إلخ!

هآ ، مبسوط كدة ، مرتاح يعني ؟ ^^

قولي كمان ، مش هي دي الأفكار اللي بتدور في دماغك الأيام دي

طيـب ، وبعدين !!
هتفضل مقلق من الامتحانات كدة كتير ؟ هتفضل توصل اشارات لعقلك كل يوم بإنك إنسان فآشل ومفيش منك منفعة ولا رجا .. وانك مش هاتجيب مجموع .. ومش هتحقق حلمك !!

- لأ يآعم أحمد والله ، انا عاوز أجيب مجموع .. بس ده الواقع انا فعلاً حآسس نفسي فآشل ومش هاجيب مجموووع

يآ سلآم ؟ ومالك زعلان ليه كدة ؟؟

- بقولك فآشل يآعم :/

ومين قالك إن الفشل حآجة وحشة؟
الفشل من أحسن الصفات اللي ممكن تبقي موجودة في إنسان ..
تعرف ليه؟ ..
علشان الشخص ده أكيد حآول .. فـ محاولته بائت بالفشل .
ولو وقف هنا ، فـ زي ما بنقول كلنا " يكفيه شرف المحاولة "
أمـآ بقـي لو كَمـل الطريق ، وحاول تآني وتآلت ورابع ، هيوصل لحلمه

- انت عاوز ايه يعني من الآخر ، علشان عندي درس ومش فاضي

هههههههههه أقولك يآعم خُد الخلاصة :

- متفضلش تقول انا مشكلتي الرياضة , الجيولوجيا , الانجلش , العربي ... إلخ // لو فضلت تقول كدة ، هتضيع في المادة دي فعلاً حتي لو مذاكرها كويس جدًا ، لأنك عقلك اقتنع بإنك هتضيع في المادة دي ، ده غير انك مأحسنتش الظن بالله وربنا سبحانه وتعالي قآل " انا عندي ظن عبدي بي " .. ها ظنك في ربنا ايه بقي؟

- متفضلش تكرر جملة :: " أنا فـاشل "
لإن الفشل حآجة حلووة ....
أيوة!!
* لازم تجرب علشان تفشل
* علشان تتعلم من فشلك
* علشان تنجح - بإذن الله

- متفضلش تقول :: " مش هأجيب مجموع "
لإن كل ده بإيد ربنا ثم بإيدك ..
ومتنساش ربنا مبيضيعيش تعب حد " إنا لا نضيع أجر من أحسن عملاً "

- آخر حاجة بقي ...
لو مذاكرتش من أول السنة , لو ذاكرت من أول السنة بس شايف نفسك مُقصر , لو ذاكرت مآدة علي حساب المواد التانية , لو شايف نفسك متأخر عن كل زمايلك , أحب أقولك الشخص اللي بيكتب الموضوع ده - اللي هو انا يعني [ #العوكش_استايل ] لسة مبدأش مذآكر ة خآلص .. لظروف قهرية! .. لكن لو فضلت أتحجج بالظروف دي وأقول انا حصلي كذا وكذا .. وهأجل السنة دي علشان مش هاقدر ألم وعلشان وعلشان ....

لو قولت كدة هابقي " حي ميت " ، ولا أستحق لقب " إنسان فآشل " .. لإني هابقي محاولتش ...
لكن أنا هأحاول ، ممكن أفشل وما ادخلش الكلية اللي انا عاوزها .. بس هل ده معناه اني أستسلم ... لألألألألألألألألألألألألألألألألألألألألألألأ
هادخل كلية تانية علي حسب مجموعي .. وأكيد ربنا كاتبلي الأحسن

تيجوا نحاول؟