اا ... أنا المصري ... اا

[أبو العلاء]

المشاركة الأصلية كتبت بواسطة ضياء الدين سعيد

أنا مسجون

ومش قاتل

ومش مجنون

ولا سارق

ولا حارق

أنا محكوم عليا زور

أنا الحر اللي في بلادي

بنادي بحق أولادي

أنا مواطن ومش مسئول

أنا المقتول مش القاتل

ولا الحاكم

ولا القاضي ..

ولا الفاجر

ولا بايع تراب بلدي

لحبة دون

أنا اللي سهرت أيامي

بنادي بعدل مش لاقي

أمل وسكون

أنا الطفل اللي مرضعش

أنا الطفل اللي مسكنش

أنا المدفون

أنا البنت اللي حبسوها

وجلدوها

وحبوا يقطعوا إيديها

عشان بتقول أنا بلدي

وبلدي عمرها ما تخون

أنا الأم اللي محنية

ورابطه حزامي على وسطي

بلملم جثة المرحوم !!

أنا الشاب اللي بيهاجر

عشان مش لاقي في بلادي

وطن مسئول

أنا اللي الـــدم لون لي

تراب بلدي

وساب الجسم لأجل حكومة تشبع نوم

أنا اللي أتسرق حلمي

دا حاكمني

وداس على جسمي بزيادة

بدبابة

وخرطوش نار

أنا بحلم أكون نفسي
أنا المصـــــــــــــري

أنا إنســـــــــــــــان

كلمات / ضياء الدين سعيد
صـــــــــــــــ الحق ــــــــوت

هييجي اليوم وتسألني ياصوت الحق

تقولي : ف الوطن ظالم ؟

هقولك لأ

دم الشهدا حرقهم حرق

ده ربك عمره ما ساوى

ما بينْ كذاب

وبين الصدق

*******
الضياء له أشعة تضيء الأفق ، أما أنت فضياء تنبعث منه كلمات تضيء القلوب والعقول

تحاياي