معلومات عن التحويل فى كلية الهندسة

[eng_ahmed_saleh]

السلام عليكم ورحمة الله وبركاته

اولا معكم زميلكم احمد صالح

الفرقة الاولى ميكانيكا

كلية الهندسة جامعة الزقازيق
يعنى خلصت اعدادى وبحب ميكانيكا وهادخلها

كثرت التساؤلات عما بعد دخول كلية الهندسة والتحويل داخل الجامعات


فما هى شروط التحويل


اولا :- التحويل لكلية التوزيع الجغرافى

يعنى لو انت مثلا من الشرقية وتوزيعك الجغرافى هو جامعة الزقازيق
وجالك التنسيق هندسة اسيوط مثلا

فى الحالةدى انت ما عليك بعد نتيجة التنسيق الا انك تدخل على نفس الموقع بعد النتيجة بيو او اتنين بيكونوا عاملين يومين للتحويل

وتحول كليتك الاقليمية
تعمل طلب تحويل من على النت

لو اتقبل يبقى انت خلاص دخلت كليتك الاقليمية

لو مش اتقبل بتقضى اعدادى هناك وبعدين تحول بس لازم تكون ناجح هناك
واحسن حاجة بتميز اعدادى هندسة ان المناهج واحدة فى كل الجامعات

ينى مش زى الكليات التانية و حولت تشيل مواد وكده

حتى لو انت نجحت هناك ومعا ماد او اتنين بتحول عادى وتشيلهم فى كليتك الاقليمية
مش زى الكليات التانية لازم تكون ناجح صافى


دا بالنسبة لو انت عايز تحول كليتك الاقليمية

اما بالنسبة لو انت عايز تحول عين شمس او القاهرة مش عارف الناس مهتمية بكده ليه

واله يا جماعة اسم الجامعة مبقاش بيفرق
بس المهم

لو انت مش من القاهرة وعايز تحول القاهرة اوعين شمس عى طول كده ما ينفعش

لازم تاخد اعداى من كليتك الاول
وتجيب جيد جدا علشان تحول
او تغير محل اقامتك خلال السنة دى وتحول كانك بتحول جامعتك الاقليمية بالظبط


ياريت اكون افادتكو