سؤال محيرنى اوووووووووووى ...

[احمد رضا]

السلام عليكم ورحمة الله وبركاته

طبعا انا مش بعترف بحاجة اسمها سن مُطلقا مهما كان
انا السن عندي بدرجه الدين والخُلق و العقلانيه وحُسن التصرف
ولما هاجى اختار ان شاء الرحمن هختار انسانه متقدمه فكريا ً
ولكن مش بدرجه تقدمي او أعلي
لان لو انا اعلي ممكن انقلها ثقافتي مع العِشرة والتعامُل
لكن لو هيا الأعلي هتتعامل من هذا المنطلق وهيبقي فيه مشاكل كتير باعتباري رجل شرقي

نيجي بقي لنظرة المجتمع والناس ..

اولا : محدش يعرف احمد غير احمد
محدش يعرف نسمه غير نسمه
ولما احمد هيواجه مشاكل محدش هيحلها غيره بردو
يبقي اني اسمع لكلام الناس كتير هخسر كتير ومنهم سعادتي

--------------------------------

ثانيا : نظرة الدين

انا مش هجيب الرسول - صلي الله عليه وسلم - والسيدة خديجه لينا
(بغض النظر عن تحليل الموضوع وعن الظروف وعن الحكمه الإلهيه وعن ظروف الباديه - وبعض النظر انها جزء من الرساله)

ولعل مثال الرسول والسيده خديجه بيؤكد كلامي
ان السن مش مهم
المهم درجه التفكير
الرسول هو احكم الناس عقلا ً
وبالمقدمه دي
نحصل علي نتيجه
السيده خديجه اقل منه بكثير ( لا ينفي حكمتها ولا يقلل من شأنها )
وبعدين انا يمكن نسيت ان الرسول - صلي الله عليه وسلم - قال
:
(إذا جاءكم من ترضون دينه وأمانته فزوجوه)

لو نلاحظ ان الرسول مقالش سنه ابدا


--------------------------------

ثالثا : متهيألي ان الحب والمشاعر لغه ملهاش قواعد محدده ( في نطاق المشروع والمُحلل )
يعني اللغه اللي بيقدر يعيشها كبير - صغير - ضعيف - قوي - عجوز - شاب - ابيض - اسود
يبقي مش محتاجين اننا نهتم بمسأله السن كتير وظواهر الأمور

--------------------------------

رابعا ً : الحالات الفردية اللي بتحصل مش معناها استنتاج قانون عام يُطبق علي كل الحالات المماثله
لاء فيه حالات انا اعرفها يمكن اتنين او تلاته وقرايبي كمان وحالات كويسه جدا
ربنا يديمها عليهم سعاده
بس زي ما قولتلك
القدرات العقلية بتفرق كتير في نجاح الحالات اللي زي دي


--------------------------------