لقد قررت ان لا اتحدث مع شباب

[دّقْـــةُ قْـــلِـــبّـ]

السلام عليكم ورحمه الله وبركاته
لقد قررت ان لا اتحدث مع شباب بعد اليوم
نعم لقد قررت هذا ولن اعود في قراري باذن الله
انا عرفت شباب كتيره جدا ومعظمهم محترمين جدا جدا
وانا كان ليا الشرف اني اتعرفت عليهم واتعرفت علي كل الناس اللي هنا
بس انا قررت اني متكلمش تاني معاهم
انا اخدت القرار ده وكان لازم اخده من زمان اوي اوي اوي اوي
مش لانهم مش محترمين لا والله كلهم محترمين نحسبهم كذلك ولا نزكي علي الله احد
بس انا من بيت ملتزم وهما طبعا مش هيرضو ابدا اني اكلم شباب مهما كان بنا حدود
انا لما اخدت القرار ده ماخدتهوش عشان اهلي وبس انا اخدته عشان ربنا قبل اي حاجه
عارفه ان ممكن ناس كتيره تزعل مني وناس تانيه تكون مصدومه من كلامي
بس اللي متاكده منه جدا جدا ان فيه ناس كتيره اوي هتفرحلي وهتشجعني اكتر ع قراري ده
انا مش مجبره علي قراري ده خالص والله انا فوقت بس الحمدلله اني فقت قبل فوات الاوان
انا مش عايزه اي حد يزعل مني خالص لو سمحتهم واكيد انا لو اختكم زي ما كنت بتقولو
اكيد هتفرحولي بجد وياريت زي ما بتخاف علي اختك خاف علي بنات الناس
اكييد ولا واحد فيكم هيرضي ان اخته تكلم شباب حتي لو فيه حدود كبيره اوي اوي
ومفيش حاجه اسمها علاقه اخوه اوو زماله او الكلام ده كله
كل الحاجات دي مدخل من مداخل الشيطان والله العظيم عن تجربه مش كلام وخلاص
وزي ما انت مش هترضي ع اختك اي حاجه وحشه انا كمان اخواتي مش هيرضولي اي حاجه وحشه خاااااااالص واعرف في الاخر انه كما دين تداان
ياريت دايما تفتكرولي الحااجات الحلوه اللي عملتها معاكم ودعولي بظهر الغيب
اسال الله لي ولكم الخير والهدايه والثبات وان يجعلني واياكم من الصالحين
ويرزقني واياكم الفردوس الاعلي وحسن الخاتمه والنظر اللي وجهه الكريم
جزاكم الله خيرا