دفعه ثانويه عامه 2015

[linuxer9]

المشاركة الأصلية كتبت بواسطة $طالبة علم$

اوك الف شكر لرد حضرتك....... وهحاول انفذ جدولك دة...... شكرا ليك بجد طمنتنى...... اصلى محبطه حاليا.....وياريت ترد على حكاية الدرجات

العفو ، انت تعملي جدول خاص بيكي لأن دروس البنات بتبقا بدري شوية مش بالليل وبعدين انتي عنديك شغل بيت وكده يعني تعملي الجدول على اساس انه وقته بتبقي فيه فاضية خالص
والحاجة اللي اهم من الجدول هي الضمير وانه الواحد يحاسب نفسه كل يوم ويقول انا ذاكرت ايه النهاردة ؟
وياجماعة مفيش حد بيتظلم في الدرجات بس هو اللي بيظلم نفسه
انا معاي صاحبي طول السنة كان منفض من الفرنساوي ومش بيذاكره كتير وبطل يروح درس من شهر 1 وبيقولي ياراجل الفرنساوي سهل وعليه 40 درجة بس
تخيلوا كدا ، نقص فيه درجة بسببها طلع من المرحلة الأولي في التنسيق
وواحد تاني بيقول الجيولوجيا ياعم سهلة وكلها حفظ ، دي ياعم مادة ادبي مش علمي ، طيب أنا هذاكرها في اخر 3 شهور
وفي الاخر نقص فيها ست درجات ، بسببهم كان هيبقا الأول على الجمهورية
انا بشوف الكلام ده بعيني ، في ناس بتطلع الأوائل كل سنة قدمت على خاص قبل الامتحانات
وفي ناس مستواها متوسط ، ماشاء الله عليهم جابوا درجات حلوة قوي انا فرحت لهم اكتر من نفسي

المهم اوعا تصدق كلام حد كل اللي بيقول المادة دي سهلة وبتتذاكر بسرعة ده فاكر تالتة ثانوي زي اي سنة
ومع احترامي لكل اصحابك
يعني ممكن في سنة تانية المدرس يجيبله مذكرة ليلة الامتحان بتبقا هي الامتحان !
وممكن كمان يكون ابوه أو عمه شغال في الادارة !
فالمقياس الحقيقي للاجتهاد هو مدى التحصيل (أنا بقيت بتكلم زي الفلاسفة ولا ايه )
وياريت كل واحد يشد حيله ويخلي عنده ايمان كبير في ربنا
ويربنا مش بيظلم حد لكن الواحد بيظلم نفسه من اول السنة!