كل شىء عن الثانوية العامة.

[Nourhan_nono]

المشاركة الأصلية كتبت بواسطة chalijaly

دى حاجه عادية جدا وبتحصل لمعظمنا ومنهم انا كان الاستاذ فى واد وانا فى وادى تانى خالص.انتى شوفى هتاخدى ايه الحصه الجاية وتقريها بتركيز وتحاولى تفهمى نفسك او اعملى نفسك فاهمة.لازم تعملى نفسك فاهمة حتى لو مش فاهمه.وتعملى نفسك حافظة حتى لو مش حافظة. وتقولى هروح اناقش الاستاذ المرة الجاية فى الدرس ده لما يشرحه.
لما يبدا هو الشرح هتلاقى نفسك مركزة اوى اوى اوى معاه وبتفتكرى الكلام اللى قريتيه بتركيز ده.وكمان بتحفظى وتفهمى اللى مكنتيش فاهماه وعاملة نفسك فاهمه فيه
مفيش حاجه اسمها اطلع من الدرس حافظة الدرس لا طبعا.انتى المفروض رايحة تفهمى مش تحفظى الحفظ ده بيكون فى البيت.مع الفهم والتكرار والكتاااااااااااااابة والاسئلة الكتيييييييير هتلاقيها ثبتت فى دماغك.
وملحوظة.الحفظ مش انى امسك الكتاب واهز فى راسى وابقى كده حفظت.لا الحفظ.لازم فهم الاول وبعدين احفظ وبعدين اسمع شفوى وكتابة وبعدين احل اسئلة كتير حتى لو اغش كل الاجابات وعاااااااااادى جدا لما اغلط ..ولازم مراجعه اسبوعيه على الللى اخدته كله.هتعرفى قيمته لما تبدأى مراجعه نهائية.

انا كانت قلقانة جدا بسبب الموضوع دة
و فعلا جاه فى بالى انى اقرى الدرس قبل اما اخده
لانى ساعات بتوهه فى النصف