كل شىء عن الثانوية العامة.

[chalijaly]

المشاركة الأصلية كتبت بواسطة optimistic girl

اولا : بشكرك جدااا علي الرد
ثانيا : فعلا احتمال كبير يكون ده حسد ربنا يبعد عننا الناس دي
بجد نصايحك مفيده وكلامك صح الصح انا ان شاء الله هعمل بكامل وسعي عشان اوصل للطب
ياااااااااااااارب امنيه حياتي الكليه دي
بس عندي سؤال في ازاي بقي اذاكر انجلش بحيث اقدر اقفله من حيث الجرامر والكلمات ؟؟

تقفيل الانجليزى اهم شرط لييييه هو البراجراف والترجمة لانهم هما اللى بيفرقوا بين الطلبة علشان كده قولت نهتم بيهم من اول السنة جاااااااااااااااااااااامد منقعدش نحل المستيكس والتشوز (شايفين اللغة ) ونسيب اهم سؤالين.ما عدا ذلك من الاسئلة تقريبا اللى حل كتابين زى اللى حل 5 زى اللى حل 9 ..السؤال الاول والتانى مش معتمد على منهج وسهل يتحل جدااااا.القصة تذاكروها من اى داهيه وتفهموها كويس هتلاقوها سهله جدااااااا.واسئلتها مباشرة. القطعتين بيعتمدوا على مستواك يعنى تقريبا اللى مستواه متوسط لفووق بيحلوها صح بس التركيز مهم جدااا فيهم علشان ممكن تلاقى كلمة فى القطعة ويجبلك الاجابة كلمه ليها نفس المعنى وتبقى الاجابة الصح. ويجبلك نفس الكلمة فى الاختيارات وتبقى الاجابة الغلط.. ركزوا جاااامد فيهم.
يعنى باختصار تحفظوا كلمات على قد ما تقدروا وتطبقوا عليهم براجرافات وتراجم من يومنا هذااا حتى لو حاجات محلولة هيكون احسن وكل اسبوع تكتبوا براجراف وتشوفوا غلطوا فى ايه معاكوا لشهر 5 هتلاقوا نفسكوا زى الفل والله.
وفى الاول والاخر مفيش حاجه اسمها انى ضامن 50 فى الانجليزى لان كله نصيب ..ممكن تلاقى واحد متفوق جدا ويجيب 48 وواحد اقل منه ويجيب 50 ليييه؟؟ بسبب ان ده ركز لاخر ثانية ابو 50 وابو 48 ممكن يكون مذاكر وكله تمام بس يتوتر فى اللجنة وينقص فى حاجات عارفها.
علشان كده نحافظ ع الهدوء والتركيز لاخر ثااااااانية فى الامتحان.وحتى لو خايفين من ماده معينه نخلى عندنا امل اننا نجيب فيها النهائية ومنفقدش الامل ده لغاية ما اسلم ورقة الامتحان