خايف يوم أصحي.. وأفتح الشباك.. مالاقيش مصر ( على سلامه

[اوركيديا]

بِيوُتنا...


بِيُوتنا واسْعَةْ وِضقْةْ...

عصَافير كِتير...

ولا يُوم صَحيت م الزَقْزقَةْ...

بحلَمْ بعِيشَةَ محنْدقةْ...

وسْط البَرَاح...

لو كان صَحيح...

الحُزن رَاح...

طَب ليه الجراَحْ...

لسّه فَ عيونَا مخَنْدقَهْ...

بيَوتْنا أسَْمنَت...

وزَلط وِحِيطَانْ....

وبَس...زِى الآسِى....

متَرصَّصة..

مِرصُوصَة رَصْ...

دَار النَهار...

من داَرلدارْ...

طَبل وزَمر...

قال ْ وسار...

ولا حد حَسْ...

سَلَطَةْ


أحْلامْنا سَلَطَةْ...

وكَلامْنا سَلَطَةْ...

والعشق وَرطَةْ...

غِلط غلْطَةْ...

كأَنَى ماشى من غيرْ دِماغى

كأْنى أقف أدَّن فَ مالَطةْ...

سَلَطَة...

وتَملىِ خَسْ وجَزَرْ...

ناديتُه لَكن راح واعتذَرْ...

أَلاقيش مَعاك سنةْ أمل...

ألاقيش مَعاك حَبةْ نْظر...

اليُوم وفاتْ...

وبُكرَه فَاتْ...

مَفْضلِشْ غير...

حَبةَ سُكاتْ...

وتقُولِلى هاتْ...

أحَلامْنا ليهْ...

سَلَطَةْ...