الشتاء والفقراء يرحمكم الله

[نهي نوير خميس]

أولا أنا أسفة جدا علي غيابي الطويل عن القسم وإعتذر بكل كلمات الإعتذار الواجبة
ثانيا وبمناسبة البرد عايزة أتكلم معاكم عن موضوع مهم
طبعا كلكم شايفيين البرد الجامد ده فيه ناس غلابة كلنا عارفينهم بيشقوا ويتعبوا وقاعدين متلجين .......
عن البياعيين اللي فارشين خضار وحاجات تانية علي الأرض أتحدث
النهاردة وأنا راجعة من المدرسة كنت بشتري شوية خضار ولاقيت ستات كبيرة في السن قاعدين في التلج ده بيبيعوا حاجتهم وللأسف مش لابسين تقيل زينا كده لإنهم علي قد حالهم يدوبك بيكفوا أكلهم
ناس زي دي ربنا يعينهم ياريت كلنا نساعدهم وحقولكم إزاي
بدل ما نشتري كل حاجتنا من المحلات نحاول نشتري منهم بنية مساعدتهم
وياريت منقعدش نفاصل كتير معاهم ناس زي دول حلال عليهم أي زيادة
ولو قدرنا نشتري منهم بالزيادة ياريت وكل ده نحتسبه عند الله من الصدقات
ربنا يقدرنا علي مساعدة الناس دي
وربنا يسترها معانا ومعاهم ويحميهم من البرد
ن.ن