طيب لو قلتلك....! موضوع هام جدا وها تستمتع بقراءته

[الاستاذ خالد زلط]

السلام عليكم ورحمة الله وبركاته
اريد ان الفت انتباه كل شخص يحب او يدرس الانجليزية انه ...
انت الان في الصف الاول الثانوي(لان الموضوع اصلا لطلب الصف الاول ولكن باقي الطلاب يستطيعون قراءته عادي)وان كان لديك علم قليل في المادة لايهم وما تشغلش بالك وطبعا ده كلام مش مظبوط اقولك ليه!
انتا دخلت في مفرمه(مجازيا)
يعني ايه؟ انتا لسا بتسأل ده انتا مفروض تكون عارف ان الانجليزي من اهم المواد في المرحلة الثانوية بل وكل المراحل التعليمية واينما ذهبت فهو مطلوب جدا واعجبني شعار في المنتدي الكريم
English Is For Life...Not For School
الانجليزية للحياة وليس للمدرسه
وبذلك لا اعني انك تهمل المقرر ولكن انتبه لما عليك ولا تبتعد جدا عن المنهج
فعلا ده كلام صحيح
بص يا سيدي ضعفك في الانجليزي في الصف الاول ليس بمشكله فاطمئن
اما يا باشا لو دخلت 3 ثانوي بالمستوي الضعيف اللي انتا عليه يبقي قمة الاسف. ليه؟
سؤال مهم! لانك يا باشا ضعيف في اللغة الانجليزية و دي لغة فيها خدع كثيرة جدا ما تعدش وتعبيرات واصطلاحات وافعال تعبيرية وحروف جر تابعه لكلمات وافعال خاصة وفوق ذلك كله القواعد النحوية grammar وهي فيها كل اللعب والخدع غالبا وكلمات حفظ وتمارين علي الاسئلة المختلفه في الامتحان وكلما زاد علمك بهذه الامور من الان كلما ارتحت واطمئننت مستقبليا وليس معناه ان تتراخي فالانجليزي سريع النسيان فيمكن ان تنساه اذا اهملته
فانا من هنا باقولك خلي بالك وما تقعش في غلطت من سبقك وندم علي ما فعل!
ركز ،زود حصيلتك اللغوية اهتم بالترجمة كويس، حل امتحانت كثير، تابع كل جديد مع المدرسين ،واشترك في حلول اي اسئلة تطرح في المنتدي فقد تاتي باجابه لا يعلمها او لم تخطر في بال من هم اعلي منك في المستوي، فلا تحزن ولا تستهين بقدراتك فقدرة الانسان الدماغية مذهلة وانتبه لمستقبلك جيدا واعلم ان اللغات(عربي-انجليزي-فرنساوي)وكل المواد قد تجعلك تصل لهدفك وقد تنزل بك الي اسفل سافلين
انتبه لما اقوله فهو تجارب اناس كثيرة عانوا من ضعفهم في المادة وندموا وضاعت منهم كلياتهم التي كانوا يريدون ان يدخلوها
انتبه من هنا من دلوقتي ركز في 2 ثانوي وخلص الانجليزي اي اخلص منه او فنشه finish it زي ما بيقولوا وفي 3 ثانوي هيفضلك شوية اضافات وقصة وتمارين علي الامتحانات ونظام الامتحانات وكيفية حل الاسئلة والاسئلة المهارية skill questions بس ده اريحلك لو دخلت 3 ثانوي وانت مش عارف حاجه في الاساس اصلا والاساس اولي ثانوي وتريحك في تانيه ولكن مفيش مشكله لو التزمت بجد في تانيه وافتكر كلامي
كل ما تخلص من الانجليزي دلوقتي احسن لك
وما تستهونش من معلومه تافهه او حته فنية فقد تاتي في الامتحان ولاياتي ما تتوقع مجيئه واعلم ان الامتحانات اصبحت مليئة بالاسئلة الصعبه في بعض الادارات وانا شفت بعيني الا انه فيه ادارات سهله وهذا لا يهم فيجب ان تكون علي استعداد دائما لاي كان صعب او سهل وعشان كده بقولك حل كتير
ركز!
انتبه!
اوعي للكلام!
ربنا يوفقكم كلكم واليكم تحياتي وامنياتي القلبية لكل طالب في النجاح والتميز وكل معلم قدير بالتميز والتوفيق باذن الله وارجوا من المدرسين ان ينبهوا طلابهم لهذه النقاط
اخوكم المخلص استاذ خالد زلط
السلام عليكم