معقول وصلنا للدرجة دى ؟!!

[Rien]

باشوف دلوقتى ( على غير العادة ) برنامج القاهرة اليوم
للاعلامى المحترم جدا / عمرو اديب
والفنانة الرائعة / رجاء الجداوى
---
عاملين استفتاء
هل الزوجة موافقة ان زوجها يبص على واحدة تانية ؟
كل الاراء كانت موافقة ( ما شاء الله مصر اتغيرت بجد )
والسبب ان طالما هى وافقت يروحوا مارينا يبقى توافق انه يبص ( ديمقراطية .. مفيش بعد كدة )
وواحدة تانية شايفة انها لازم تاخد بالها ايه اللى عجبه فى اللى بص عليها وتحاول تعمله ( فالحة يا حبيبتى )
وفيه شاب محترم شايف انه يبص براحته قبل ما يتجوز وبعد ما يتجوز لاء ( تعجبنى اخلاقه العالية )
وواحد تانى شايف ف نفسه الراجل المصرى الاصيل
قال بمنتهى البساطة : اللى مش بيبص يبقى مش راجل .. دى حاجة طبيعية ف اى راجل ( لاء صريح )

مش هازود عن كدة عشان ماخدش 3 سنين ايقاف وعشان انا فعلا ماقدرش ازود عن كدة
---
المهم بقى
واللى كتبت الكلام ده وحرقت دمكم عشانه

كلمته واحدة من كندا ( مش مصرية .. واخدين بالكم ) وقالتله جملتين ( بعد ما فهمها الاستفتاء )
i'm disagree .. it's not islamic
ونحط تحت كلمة ( not islamic ) دى الف خط
وللاسف مفيش واحد مسلم عرف يقولها

عايزاكم تجاوبونى بجد
معقول وصلنا للدرجة دى من الوقاحة والسفالة والبعد عن الدين
وبقوا الاجانب هما اللى بيفهمونا ديننا
معقول ؟!!