اجابة امتحان اللغة الفرنسية

[hosfr1]

استاذى العزيز مع الاحترام الكامل لرأيك لكن الطبيعى فى امتحان لغة انه يقيس فهم الطالب للغة مش قدرته على الملاحظة و الفراسة, فيه جزئيات فى كل مادة تبين المميز زى القواعد مثلا لكن ليه القطعة بالذات كل سنة تقريبا تضيع درجة من الطالبة المميزين بالذات اللى بيشغلوا مخهم,
على فكرة اى امتحان مفيش فيه جمل غامضة او خلافية مستحيل كل الطلاب يحصلوا على الدرجة كاملة مهما كان الامتحان سهل لكن على الاقل يكون واضح اللى يعرف يترجم يعرف الحل (خصوصا القطعة) و اكيد انا مش بتكلم كده علشان اللغات التانية حتى لو الفرنسى اجبارى ده حق الطالب ,

الجملة لازم تتلغى و توزع درجاتها زى ما حصل فى الالمانى السنة اللى قبل اللى فاتت

المشاركة الأصلية كتبت بواسطة مسيو / مبروك الشافعي

من وجهة نظري المتواضعة ان امتحان هذا العام للغة الفرنسية في مستوي كل الطلاب خاصة المتوسط منهم ولا يوجد به نقاط صعبة ولا داعي للحديث عن اللغات الاخري وان الفرنساوي صعب والنقطة الثالثة في صح وخطأ النقطة واضحة جدا انها صح ومش علشان طالب او اثنين او ثلاثة حلوها غلط يبقي تنهد الدنيا وندور على لغة ثانية والفرنساوي صعب والكلام اللي ما لهوش لازمة احنا بنحمد ربنا ان الفرنساوي عام بعد الاخر بدأ يكون سهل ونحمد ربنا انه وفق الغالبية العظمى من طلابنا. وبعدين لازم يكون فيه أخطاء مش كل الطلاب هيجيبوا اربعين لا في الفرنساوي ولا في اللغات الثانية وشكرا لكم جميعا وتمنياتي لطلابنا الكرام بدوام التوفيق والسداد