تعرف انك كلك على بعضك ما تساويش 10 جنيه

[sun rays 2010]

تعرف انك كلك على بعضك ما تساويش 10 جنيه ؟؟؟

عنوان مستفذ صح... بس والله مش انا اللى باقول كده ... لأ دى المحكمة اللى حكمت بكده ...
دم كل مواطن مصري ما يساويش 10 جنيه ... ما تستغربش وشوف معايا ....

شوف مسرح العرايس بطولة الواد وابوه و 1034 مصري .... وتبتدي الحكاية بيقولك مرة 1000 مصري و شوية اتغربوا هربوا من الذل اللى شافوه و من الضضنك اللى عاشوه سافروا يدوروا ع العيش ف بلاد مسلمة ..واللى مسافر يعمل عمرة ويدعي ربنا... ومروحين دلوقتي لبلادهم يدوها الخير ...ويزودوها علم وعمل وحاجات كتير شافوا اعلانات الواد وابوه ف كل مكان ... (((شركتنا الأولى ع الوطن العربي والكبير كبير))) سافروا والاحلام سابقاهم يحضنوا النيل ..ويبوسوا ايد الاب و الام و النسيم العليل ... واتحركت بيهم الملعونه اللى اسمها السلام ...ضحكت عليهم وخانتهم بشكلها الجميل و ف حضن البحر رمتهم يدوقوا الويل .. اللى اندفن ف بطن السمك و اللي اتخفى لما اتوجد واللى اتحرق واللى غرق ...ومن ده بلاوي كتير ..شفت ابني متقطع ف البحر و الدم بيسيل .... و أخويا وسط أطواق نجاه غرقوه ..وعمي غايب عني وانا صوتي مدبوح ... قلت الرحمة يا مسئولين... ومين في زماننا ده بيرحم مين وجه القضى ف صورة حكم شافوه عادل بيتشدقوا بيه ..انت يا قاتل برئ و انت يا ظالم برئ وانت يا جاني برئ وانت تدينا 10000 جنيه ودم ولادي كده يسوى ايه ,,قلبي اللى اتقطع وراهم واتحرق ده يسوي ايه ؟؟؟ كده كام جنيه ... وحقك يا بني راح فين وذنبك ايه ؟؟؟؟



شفت بقى احنا نساوى ايه

ارجو الا اكون اطلت عليكم ....نقلت لكم تلك الآهات من صدر كل مصري مكلوم ...وما زال السؤال يطرح نفسه الى متى سيستمر الفساد ؟؟؟؟

ارجو ان تضموا اصواتكم الى لكي نستعيد حقوق ابنائنا التى ما زالت ارواحهم حائرة تنتظر القصاص العادل ...


و يا ايها القضاء المصري الذي عرف بعدله ارجو الا تجعل دماء الف من الابرياء تجري في ساحاتك ولا تترك يد الفساد تعبث بطهارتك ...