4 اسئلة بس عاوزة رد عليها

[ahmedfezo]

وعليكم السلام

1- السويس واخدة اعتماد الجودة(اعتماد اقليمى مش دولى) وتعتبر من أفضل 6 كليات طب فى مصر (القاهرة -الاسكندرية -المنصورة -عين شمس -أسيوط)

بالنسبة للنظام الأمريكى :نظام دراسة systems أجهزة بدلا من مواد
يعنى بدل ما أخد فسيولوجى وتشريح وفارما وباثولوجى

لا أنا هاخد مثلا الجهاز الدورى (cardiovascular system) وأدرسه من كافة النواحى
أدرس الفسيولوجى بتاعه وأدرس تشريحه وأدرس الأدوية الخاصة بيه وأدرس كمان الأمراض بتاعته (باثولوجى)

وكذلك باقى أنظمة الجسم

وده نظام معتمد فى كل دول العالم

بس للأسف عيبه أنك فى مصر
وطبعا كل حاجة فى مصر حتى وان كانت كويسة للأسف بتسمى بالمقلوب


2-طبعا وهتلاقى المحبط فعلا وهتلاقى الحقودين للى بينموكوا فى العسل
بس الحلو فى الجامعة أن كل حاجة واضحة
بمعنى أن مفيش حد يقدر يخبى على حد فى موضوع المذاكرة والتقديرات

3-هههههههه.............أحب أقولك أنك أول ماتدخلى كليتنا الفشيخة هتكتشفى أننا لسة بنتعلم من أول وجديد
لأان نظام التعليم ما قبل الجامعى ابن................

4-شوف
أى كلية لها مميزات وعيوب
ولكن فى مصر بحكم الظروف عيوب طب أكثر من مميزاتها

وخد فى علمك أن النظرة نسبية
يعنى أن ما أراه أنا ميزة ممكن تراه أنت عيب وهكذا


والناس للى بتقولك انك هتضيعيى عمرك فيها للأسف كلامهم صح

عموما الطب فى مصر بيضيع عمر الواحد وياريت أنه بيعلموك كويس

تكتشف فى الأخر أن كل كليات مصر برة مش معترف بيها

من ناحية الفلوس سيبها على الله الأرزاق بيد الله (وان كان فعلا الطبيب مرتبه هزيل جدا وبدون الشغل الخاص والعيادات مكناش نلاقى ناكل .........بالمناسبة فتح عيادة مش سهل برضه )

مميزاتها مميزاتها ايييهه اييه ؟؟؟؟ الله يخربيتها مش لاقيلها حاجة حلوة خالص الكلية ده (ههههه)

عموما هيا ليها مميزات كتير بس بالمقابل فعلا بهدلة بهدلة بهدلة