يا جماعه انا مرعوبه .سمعت جن بيتكلم والله العظيم

[3olomgy]

ممكن يكون مرض عقلى او نفسى والاعراض اللى انتى وصفتيها دى ليها تشخيص فى الطب النفسى ( اسمها هيستريا )
طبعا الجن اتذكر فى القرآن الكريم وانا مؤمن بوجوده بس لا اؤمن انه بيتدخل فى حياتنا ( بخلاف وسوسة الشياطين بالطبع )
حصل معايا موقف انا واخويا ..بس هو كوميدى اكثر منه مخيف ؛
النور قطع ..قمت ادخل المطبخ عشان اجيب كبريت وشمع واخويا جه معايا ، المطبخ عبارة عن رخامة طويلة وبجوارها مساحة صغيرة كده بنحط فيها ال****يب وفوقيها خشبة صغيرة حاطين عليها ورق عشان القلى وفوق الورق كان فيه سلك المونيا
اخويا كان واقف قصاد الرخامة واول ما ولع عود الكبريت لقيت سلك الالمونيا ولع وعمل شرار
بسرعة مسكت السلك ورميته ع الارض ..بدون ما اخد بالى لقيت نفسى رميته جمب الانبوبة ..اخويا بسرعة خد باله وراح شايله وراميه فى حوض المطبخ وولعنا الحنفية وطفيناه وخرجنا من المطبخ مذهولين!
فضلت صاحى لحد ما النور ييجى عشان ادخل المطبخ واشوف بنفسى ايه السبب.
النور جه ..دخلت عاينت المكان اللى ولع فيه سلك الالومنيا ..الورق اللى تحت السلك ماحصلوش اى حاجة ..مفيش اى اعواد كبريت ..مفيش اى حاجة مولعة
فسرت الموضوع بإن الاجسام القابلة للاشتعال ممكن تشتعل تحت درجات الحرارة العالية ..خصوصا ان احنا صيف والنور كان قاطع يعنى لا فيه مراوح ولا حاجة وشىء طبيعى ان اول ما اخويا يولع بعود الكبريت هيزود الحرارة ..وطبعا كلنا بنسمع عن عربيات القطن اللى بتولع والغابات اللى بتتحرق من شدة الحرارة
مع احترامى لاراء الجميع ..ما اعتقدش ان الجن ليهم تدخل فى حياة افراد ..نقدر نستثنى من ذلك سيدنا سليمان عليه السلام وده كان بأمر وتسخير من ربنا سبحانه وتعالى
شكرا ع الموضوع