|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#11
06-08-2008, 12:10 AM
|
|||
|
|||
السلام عليكم ورحمة الله وبركاته
انا اسف اولا انى اخرت ردى بس حبيت اشوف رد الناس عليه بسم الله والصلاة والسلام على رسول الله صلى الله عليه وسلم اولا احب ان اوضح ان العنوان لائق جدا للموضوع فالمشكلة بالفعل اعتبرها ذات وجهين الاولى ظاهرة طبيعية والثانية كارثة حقيقة نيجى للاولى يعنى ايه ظاهرة طبيعية اولا نحن فى عصر طغت فيه الماديات على الروحانيات عصر طغى فيه حب الدنيا على تذكر الاخرة وتذكر هادم اللذات بداية لما النبى صلى الله عليه وسلم ذكر سبب تكالب الامم على امة الاسلام كان السبب الرئيسى انه فى قلوب المسلمين الوهن قيل وما الوهن قال حب الدنيا ونسيان الاخرة دلوقتى هذة الظاهرة ايه سببها؟ لما نيجى بنفتح التلفزيون ولا حول ولا قوة الا بالله ملىء بالفسق والفجور والعصيان لما نيجى نقعد على النت ممكن ابقى قاعد فى امان الله الاقى رسالة جاتلة اعوذ بالله منها والاهم من كدة ان فسق ومجون الاعلام البنات عكسته بالملى مثل المنشور العاكس ودة لاسباب كثيرة اولا وجود حوالى فى مصر 5 مليون (عانسة) و 4 مليون (مطلقة) ودة الى عامل زى دافع الانذار مما يدفع الامهات للاسف انهم يوجهوا بناتهم على هذة الملابس بحجة انها هاغيرها بمجرد انها تتزوج السبب التانى انى لما اكون كل تفكيرى فى الدنيا هافكر انا ازاى انجح فيها دون الاهتمام بالاخرة بمعنى البنت تفكر ازاى الكل يبصلى واشد نظرى للجميع مع عدم الاهتمام مطلقا بنظرة ملك الملوك ليها السبب الثالث الذنوب والمعاصى طمست القلوب بمعنى ان النبى صلى الله عليه وسلم اوضح انه كلما فعل المرا الخيرات نكت فى قلبه نكته بيضاء وحينما يمتلىء القلب بها يصبح بمعونة الله يتاثر جدا لمجرد فقط رؤية المعصية ولا يطيقها اما اذا كثرت نكت السوداء وهذا يحدث عند (تشرب القلب للفتن) يصبح القلب لا يعرف معروفا ولا ينكر منكرا وبالتالى البنت ما تبقاش فى هذة الحالة بمالعنى العامى فارقه معاها وكذلك الولد بردة وطبعا الفراغ الشديد للبنت والولد وزى ما قولت انتشار المعاصى والنذوب والتوجيه الاعلامى الخطير الدافع الى هدم الشخصية الاسلامية خصوصا والعربية بوجه عام كل هذا يجعل الكثير منا يشعر ان التحرش اصبح ظاهرة طبيعية ناتج عن مقدمات له اما الكارثة الفعلية فهى ظاهرة الاستحلال بمعنى اخر قضيتين تقريبا عرضوا فى هذا المجال مغنية تقريبا اسها مروة وومثله اسمها منة شلبى انا يمكن بسمع من وانا فى تالتة اعدادى انه للاسف شخصيتين ........ والبعض لما بيجى يشوف الحاجات دى ليهم بيبتدى يعتقد فى باطنه انها طالما بتعمل كدة يبقى حلال انه يعمل فيها اى حاجة! طبعا دى كارثة ودة سبب كبير للى بيحدث فى الشوارع يقول طالما بيتها سابها تنزل كدة وطالما هى رضت تمشى كدة خلاص يبقى مش حرام عليا الى اعمله فيها بحجة غريبة انها بردة حرام الى بتعمله فيه بلبسها دة فدى طبعا الكارثة الرهيبة طبعا كله هايقو فيه نقطة مهمة جدا طب ممكن الواحدة تكون محجة ولابسة مثلا خمار وواحد يتحرش بيها دة فى رأيى الخاص لسببين انه بردة حلل لعقله انه عادى نتيجة حجة غريبة انها لابسة كدة بس بس هى مش محترمة! ودة طبعا راجع لعوامل نفسية كتير السبب التانى ان فيه شباب كل الشهوة بتستغرقهم نتيجة انتشار بعض العادات السيئة بين الشباب للاسف كالاستمناء بحجة انها تقلل شهوته وهو لا يعلم انه تزيد من شهوته اضعافا مضاعفة حتى يصل لدرجة لا يصبح فيها متحكم فى شهوته بل سصبح كالحيوان كل حياته تعتمد على انه ازاى يطفىء هذة الشهوة وطبعا عمرها ما هتنطفأ ابدا ما دام حيا طب بردة اخر حاجة بقولها ممكن واحد يكون ماشى فو وسط الكلام دة كله يعنى مثلا فى بيته نت وتلفزيون زى اى حد وبينزل الشارع بردة بيلاقى حاجات غريبة بس بالمعنى العامى ماسك نفسه وطبعا الشاب الذة ينشأ فى طاعة الله بيكون اجره عظيم جدا يوم القيامة وبيكون فى ظل عرش ملك الملوك كان صراحة نفسى اكون من طائفة الشاب الذى ينشا فى طاعة الله بس للاسف ضاعت عليا الفرصة نتيجة تلاعب الشيطان بيا فى فترات ربنا ما يعيدها اسف على الاطالة وجزاك الله خيرا فى امان الله |
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 05:14 AM.
