موضوع جامد(برجاء دخول المبدعين فقط)

[أحمـدنجـم]

أنا المصري
أنا المصري عظيم أصلي جدودي اتملكوا الدنيا
ومن حقي اقول واعيد ما دمت شربت من نيلها هغنيلها
وأفرح قلب احزانها وغصن الفل اناولها
وناولها تكون قصري
ما أنا المصري
يا أمي تملي بزفلك فرحك
ويوم همي يروح الهم بين قمحك
يا ضلة وضليلة
أنا الليلة نديت الشلة والعيلة وكل اللي لمس سطحك
نسينا كل الهامنا
والهامنا هنا في عيونك الآمنة
أنا أصلي شايلك حب من الأصلي
ما أنا المصري
أنا ابن الغلابة اللي هدو العتاة
أنا ابن اللي جريت دماهم قناة
أنا ابن اللي صبروا
أنا ابن اللي عبروا
أنا اللي ابن اللي جاعوا وصاموا وفطروا
بلحم اليهودي
لما طاش عن حدوده و عدا حدودي
أنا ابن الرشيدي اللي جمد فريزر
وذل التتار وجنن كليبر
أنا البورسعيدي وابويا صعيدي
وامي جالتلي اضحي بدمي فدا للبلد وجدي اللي بالع جلب الأسد
ومهما انحنا وضهره انجلد
يصلي ويجرا في صلاته الصمد
وياما أخدني في حجره وقالي حكاوي خدتني في دنيا العجايب
وهفضل أقولها ولو شعري شايب
امتى الزمان
سيفها يرده لها
وينطلق خيلها
وينفلق صبحها وينطوي ليلها
ومهما الليالي خدتني هقولها
أنا المصري