السلسلة الجديدة محترمة ولكن ...

[Yasser Gabr]

السلام عليكم ورحمة الله وبركاته
أولا : كل عام وحضراتكم جميعا بخير ورمضان كريم
ثانيا: وحشتنى البوابة جدا وكل القائمين عليها ... فمنذ مدة ليست بالقليلة لم أشارك فيها لأسباب خاصة
ثالثا:
أنا شايف من وجهة نظرى إن السلسلة الجديدة فى المرحلة الإعدادية حاجة تحفة جدا .. فيها تنوع سواء العرض او المحتوى و خاصة الموضوعات اللى بتحاكى التطور اللى موجود حوالينا .. وكمان احتواء مواصفات الورقة الامتحانية على مساحة ما لقياس مهارة الإستماع ده شيء كويس .. وكمان قصة ومعاها تنوع ف الاسئلة برضو حاجة تتحسب للمنهج الجديد
ولكن ....
١- المدرس مش فاضى ولا عنده نفس ولا دماغ عشان يطبق عرض المنهج بالطريقة الصح واللى المنهج أصلا اتعمل عشانها ... لأسباب نعلمها جميعا .. بس بنقاوح
٢- مفيش أصلا أى بيئة تعليمية تأهلنا إننا نطبق ما هو مطلوب .. لا معامل ولا نصوص استماع ولا دليل معلم ولا تدريب على منهج أول مرة يدرس
٣- كلنا بلا إستثناء بنحط راسنا ف الرمل وبنرمى المسؤولية على غيرنا ... تحت شعار "أتصرف "
آسف على الإطالة . . أتمنى سماع وجهة نظركم جميعا
👌👌👌👌👌👌👌