كف القمر

[عاطف حمدان محمد]

والقلب رغم الفضفضة مخنوق اوي
على ضحكة صادقة تهزه حتى بالقوي
تسقيه كاسات الفرح بايدين اللقا
على شط ذكرى كنا بيها بنرتوي
نحضن سنين العمر فوق كف القمر
ونلبسه توب الاشتياق ويَّا السهر
ننسى الظروف او اي خوف
ونقول قدر
عشق الغنا ولهفة طريقنا الفهلوي
وادي الحروف
رافضة دموع الفضفضة
والروح ف حضن الشمس
فرت للفضا
ضحكت على موج الخريف
اللي ابتدا
فوق الربيع يستقوى
ويقول مش سوي
ريحة البراءة وطعمها ف القلب
ماتت من زمن
والقلب لو حب بصحيح
هتلاقي فيه حضن الوطن
وان قل نهر الاشتياق
اغزل على ضلوعك كفن
وادفن ف ذاتك احساساتك
والمشاعر بالقوي
#‏كف_القمر
#‏عاطف_حمدان_محمد