اقتباس:
المشاركة الأصلية كتبت بواسطة محمد محمود بدر
الكلام واضح وصريح وبسيط .. بالبلدي كده الراجل بيقول أنا كشفت وقائع فساد تفصيلية (الدراسة سبب الأزمة كانت من ٣٥٠ صفحة)، وقدمتها لرئيس الجمهورية وللنائب العام (قدم للنيابة ١٠٧ بلاغ)، وكنت هروح أناقشها علناً في البرلمان، لكن بدل ما أي حد يحقق في كلامي ويثبت خطأي، الرئيس عزلني وأنا اللي باتحاكم!! وسبب القرار سياسي هو إني اتكلمت عن "الأجهزة السيادية".
السؤال واضح وصريح وبسيط .. هل تم التحقيق في ١٠٧ واقعة في ١٠٧ بلاغ؟! ليه مسمعناش أبداً إن الرئيس أو النائب العام أمر بالتحقيق في الوقائع دي وإن النتيجة كذا؟
اللي عايز يعتبر جنينة كذاب وعميل وإخوان كمان هوا حر بس يجاوبنا على السؤال ده.
بل أصلاً ليه لم يتم التحقيق في الموضوع نفسه أبداً مع هشام جنينة سواء قبل عزله أو حتى بعد عزله؟! ليه كل الكلام حول تصريحات مش حول نصوص التقارير والوثائق والمعلومات؟ مهو لو حجم الفساد ١٠٠ مليار مش ٦٠٠ برضه محدش قالنا على المعلومة دي، ولا قالنا هتتصرفوا معاهم إزاي؟
ليه التغطية الإعلامية للقضية دي محدودة جداً، رغم إن مثلاً مرافعة جنينة كانت في جلسة علنية حضرها الصحفيين؟ مش دي تستحق تكون قضية مصر الأولى في الصحف والقنوات؟
للأسف الإجابات مش واضحة ولا صريحة ولا بسيطة ..
وواضح ان المساواه والمواطنة والشفافية والفصل بين السلطات مش هي القيم اللي فوق الجميع مهما كانت أشخاصهم ومناصبهم.
|
- الاجابة بردو واضحة وبسيطة جداً : علشان نظام الحكم نظام فاسد ومن وجهة نظره أن ما تفعله الجهات السيادية هو حق مكتسب لها وليس من حق أي جهة أو مسئول أن يحاسبها علي ما تفعل.
- قضية مصر الأولي :
قضية المستشار المحترم هشام جنينة , أم قضية التنازل عن تيران وصنافير , أم أزمة الدولار وتأثيرها علي الحالة الاقتصادية والمعيشية للمواطنين , أم قرض صندوق النقد الدولي وما سيتبعه من تأثيرات سلبية للغاية علي غالبية الشعب المصري , أم قانون القيمة المضافة وتأثيره علي أحوال معيشة المواطن المصري البسيط والمتوسط , أم اختيار كبار المسئولين في الدولة وفق أسس لا تمت للاصلاح بأية صلة , أم موافقات مجلس النواب علي ما تقرره الحكومة ( وكأن البرلمان يمثل الحكومة لا الشعب !! ) , أم رفع الدعم عن المواطن البسيط ليقوم هو بتسديد فواتير فساد الكبار , أم الأزمات المفتعلة التي يتبعها تدخل المؤسسة العسكرية ومعها الحل السحري ( كي تظل دائماً أمامك هي من تأتي لك بالحلول فتنصاع لما تريده دون أي اعتراض !! ) , أم قانون الخدمة المدنية وتأثيره علي غالبية الجهاز الإداري في الدولة , أم تسريب امتحانات الثانوية العامة دون أي محاسبة سياسية علي الأقل , أم سد النهضة وتأثيره علي حصة مصر من المياه ؟!!
شكراً علي هذا الموضوع.
خالص تحياتي
09-09-2016, 02:15 PM
العرض الشجري
