اخطأ من قال الرأة نصف المجتمع.........مطروح للمناقشة

[احمد رضا]

السلام عليكم ورحمة الله وبركاته

" المرأة نصف المجتمع لا اكثر ولا اقل "

موضوع جميل ولكن كدا بدأتوا تترجموا دور المرأة اكثر من حقه شوية وتهملوا بعض دور الرجل

الرجل والمرأة

+/-

قطبا دائرة الحياة

لو الراجل مش موجود

الحياه مش هتمشي

لو المرأة مش موجوده

الحياه مش هتمشي

( 50/50 )

ده من المنظور الأول للموضوع

فيه جانب في غاية الخَلقْ

لو ان المرأة ملهاش لزمه او مجرد مُكمل وبس

مكانتش اتخلقت وربنا سبحانه وتعالي كان قادر انه يخلق مُكمل تاني

لو الرجل ملهوش لزمه

فربنا - سبحانه وتعالي - كان قادر انه يخلقها بنظام بيولوجي يجعلها تتكاثر ذاتيا

مادام هيا الاهم والاقدر علي التربيه والشغل والعمل وكل حاجة

لكن ربنا خلق حواء من آدم

عشان يبقي فيه حتي نوع من الألفه

لما الإنسان بيحس ان فيه حد منه ومحتاجله وخصوصا ً ( الرجل )

بيتمسك وبيترابط مع الإنسان ده جدا

لكن لما بيحس انه مُهمل ومُهمل دوره بيصيبه حاله من الخمول وبيدأ يدور علي مكان تاني يلاقي فيه اهميته ( نصيحه للمتزوجات ِ)

اما من الجانب العلمي مثلا

فنيجي نلاقي ان المشاركه تقريبا متساوية

المرأة تشارك ببويضة قابله للتخصيب

والرجل يشارك بحيوان منوى واحد له القدره علي التخصيب

الجانب الإجتماعي

المرأة تربي وتنشئ وتزرع مبادئ وتعطي ما تستطيع

والراجل بيطلع يشتغل ويتعب ويوعي المرأة ويزرع افكاره فيها باعتباره المتعامل والمُحتك اكثر بالمجتمع

يمكن انا ذاكر بطريقه مختصره عن كل جانب لكن لازم نكون عارفين ان الاتنين بيكملوا بعض

وكان فيه تشبيه قولته في مقال قبل كدا

" الحياة اغنيه والرجل كلماتها والمرأة ألحانها بدون احدهما لا يكتمل ايقاع الحياة "