اضراب عن امتحان الكادر

[free-egypt]

السلام عليكم ورحمة الله وبركاته
في البداية احب ان اواسي اخوتي واخواتي المعلمين علي اللي بيحصل فيهم من اهانة ومن مين من حد المفروض يكون بيدافع عن حقوقهم ويحافظ علي كرامتهم بس العكس صحيح. كلنا عارفيين مشكلة امتحان الكادر اللي هيزلوا المدرسيين عليه وامتحان وبتاع علي ايه دول كلهم كام اهيف ولا هيعملوا حاجة في الغلي اللي احنا فيه.
اولا الريس وعد بالكادر للفئة الغلبانة(المعلمين) بدون اي شروط راح سيادة الوزير اخترع ما يسمي بامتحان الكادر لرفع مستوي المعلمين طب اشمعنا ظهر الامتحان ورفع مستوي المعلمين عند الفلوس ليه ماظهرتش قبل كده طب الكادر المفروض الميزانية بتاعته معموله للمدرسين كلهم طب واللي مش هينجح(وهم كثير قوي) الفلوس اللي كانت مخصصة ليهم في الميزانية هتروح فين؟
طب لما يمتحن مدرس ويسقط ويدخل علي تلاميذه ويسألوه يقولهم ساقط دي ناس بتهد التعليم مش بترفع من مستواه اهم حاجة ترفع الدولة وتخليها تتحضر التعليم والتعليم اساسه المعلم لما المعلم يتهان كده يبقي منتظريين ايه في مستقبل التعليم.
وبعدين احنا ماامتحناش الوزير في ادارته للوزارة ولا في التربوي ولا حتي في تخصصه اللي اعتقد انه لن يجتازوه ماامتحناش اي حد من المسؤليين الكبار في ادارة مهامه ولا هياجوا علي الغلابة المدرسسين الفئة المستضعفة.
فين قم للمعلم خلاص المعلم هيفقد هيبته بالامتحان ده والمفروض كل معلم يضرب عن دخول الامتحان الكادر ده من حقك هم هيذلوك علشان تاخد حقك طالبوا بحقكم وامتنعوا عن دخول الامتحان انا احترم كل من يضرب عن دخوله وهم كثير والحمد لله وهناك محافظات نقيب المعلمين فيها بعت نشرات يطالب المعلمين بعدم دخول الامتحان ولسة الدنيا بخير والاضراب موجود بس عايزيين نبقي ايد واحدة . ده حقكم ياجماعة والريس قال كادر وماقالش امتحان والساكت عن الحق شيطان اخرس وده حق شعب بجد تعب وشعب بجد غلبان.