عايز رأيكم بلييييييييييييز (الموضوع هااااام جداً)

[SmSm Basha]

السلام عليكم .... كيفكم يا جماعة؟؟!! ......... انا عايز اعرض عليكم موضوع مهم جدا و عايز اعرف ارائكم فيه ايه ...... السنة اللي فاتت في 3 اعدادي اخدت في موضوع انشا بعنوان حقوق الطفل ان في اعلان عالمي اصدرته هيئة الامم المتحدة اسمه الاعلان العالمي لحقوق الطفل و اخدت ان من اهم البنود اللي تضمنها الاعلان دا هو :
-*-ضرورة عدم استغلال الاطفال قبل بلوغهم سنا مناسبة لان ذلك قد يعرقل وسائل تعليمهم و قد يضر بنموهم العقلي والخلقي-*-

قلت والله دي حاجة حلوة اوي ان في حاجة كدا و كمان عالمية من هيئة الامم المتحدة اللي مصر عضوة فيها


المهم


طول دراستي للموضوع دا كنت بدرسه و انا مبسووط ان احنا عرفنا معلومة زي دي وان في حاجة كدا تأمن على الاطفال و حقوقهم الاجتماعية


ولكن للاسف الشدييييييد


نزلت من البيت اشتري حاجة من السوبر ماركت لقيت اللي واقف فيه واحد اصغر مني قولت مش مشكلة لكل قاعدة شواذ خرجت من السوبر ماركت و انا معدي على النجار الي ادامنا لقيت في عامل عنده لا يختلف عني في السن كتييير قلت دوول قلة من الاطفال والشباب قلت برضو ما علينا رحت اتمشى شوية في الشارع لقيت اللي في ورشة الحدادة لا يتعدى 16 سنة واللي في ورشة الـ...... لا يتعدى 16 سنة و دخلت احلق شعري لقيت اللي بيحلقلي واد مايزدش عني بسنتين تلاته........

قلت لنفسي: هو دا ايه ؟؟؟!!!! فييين اللي انا كنت بقرأه و بحفظة؟؟!!؟ ..... فين الامم المتحدة ؟؟؟!!!! ....... فين ان مصر موقعة على الاعلان دا ؟؟؟؟!!؟ ......فين ان مصر عضوة في الامم المتحدة ؟؟!!!؟ .....فيين ؟؟ فييين ؟ فييين ؟؟ ..... لكن للاسف ملقيتش الرد ....... كل اللي لقيته ان ماما سوزان كانت عندنا في المنصورة من يومين عشان مش عارف تفتتح ايه و تعمل ايه والقراءة للحياة و بتنجان .....قراءة ايه يا ناااااس ؟؟!!؟ .......عمالة الاطفال دي هتقرا حاجة !!!!......هم خلاص ضاااااعوا وفي وقت الفراغ للاسف بيتجهوا لانحرافات سلوكية من تدخين و ادمان و زفت ...... اقول ايه بس!!!
عليه العوض و منه العوض عليكوا يا شباب مصر

يا ريت يا جماعة كل اللي يقرا الموضوع يقولي رايه ايه و ايه الحل؟!؟! و يا ريت كمااااان يحمد ربنا كتيييييير على النعمة اللي هو فيها من تعليم و صحة و مستوى اجتماعي



اسف جداااااااا على الاطالة و ارجوا ان انا مكونش ازعجتكم

و منتظر ارائكم ان شاء الله