المدرسين بيتدلعوا....

[أميرة الورود]

احم احم....................انا برده طب بيطرى بعد اذن حضرتك...................ووالدى مدرس رياضيات حضرتك تعرفى الامتحان فيه ايه...............مفيش مشكلة قوليلى مدرس رياضيات درس لغة عربية من 30 سنة هيفتكر ايه وهم بيحاسبوا على الهمزات.........يعنى مثلا اد هتفرق ايه عن أد

ماشي يمكن يكون في مبالغة في الامتحان
فعلا في أسئلة كتير متخصصة زيادة عن اللزوم
ممكن ننقد العيوب اللي في الفكرة انا بتكلم عن بعض المدرسين اللي رافضين انهم يقعدوا يمتحنوا
و شكرا

وزيرنا حبيبنا بيدلعنا
وان مكنش وزيرنا يدلعنا مين هايدلعنا
يا مدلعنا يا وزيرنا

ربنا ياخدهم كلهم بصراحة مش عاوزين الدلع ده

انا معاكي في كل كلمة قلتيها "مع العلم اني مدرس ايضا" ولا اعترض علي شيء اطلاقا سوي ان الوزارة جهزت لنا امتحان بصورة غير منصفه فكليات مصر متباينه والدارسين فيها لا يدسوا كتب موحده فكيف تختبرنا كلنا اختبار موحد
واعتراضي الثاني هو اهانتنا فمجرد اجبار المدرس علي شئ هو يري انه خاطيء فهو في حد ذاته مهزلة

الى هنا كنت على وشك أن أصفق لك و ان انحني لك احتراما
بالفعل أنا ضد اجبار المدرس
و كان المفترض ان تتنوع الامتحانات بالرغم من أن كل هؤلاء يشرحون نفس المناهج

هذا ادي الي اهدار كرامة المدرس للدرجة اللي تخلي واحده زيك بشخه بتتكلم من غير ماتعرف ايه هي ابعاد المشكله
سؤال: هو انتي مدرسه ؟ الاجابه لأ
خلاص اخرسي!!!!!!!!!

هنا افضل تعليق هو " لا تعليق" لقد شككت في ان حضرتك مدرس تجعل الاجيال الجديدة افضل من القدماء
أهذا هو رد الفعل المنطقى؟

الى طبيبة المستقبل...........اللى بفضل مدرسنها الكرام و مواظبتها على الدراسة هتكون طبيبة لكن مش معنى ده ان ينطبق عليكى قول الشاعر علمتة الرماية و أول من رمى رمانى ......... الخ طبعا حدوتة الكادر انت مش فهماها اصلا لأن زعل مرسينك الكرام ليس من الامتحان فى حد ذاتة فالمدرس يمتحن يوميا من قبل الطالب الناظر المدير و بينجح ولا تهتز صورتة

شكرا لكن بعض المدرسين يرى ان يجلس و يمتحن بقلم رصاص اهانة
بالطبع هو ينجح ولكن ببعض الصراحة سنجد أن اغلب المفتشين طيبين ولا يريدون أن "يئذوا حد"
[
QUOTE]ثم لماذا لم تذكرى ان الاطباء اخدو الكادر من غير امتحان والعمال و غيرهم و لكن زعل المدرسين من حجات كتيرمنها ربط الكادر بدخول الامتحان و النجاح فية[/quote]
ألا يمكن أن يكون عدم اختبار كفائتهم خطا؟
أنا مع حضرتك ان ربط الامتحان بالكادر خطأ
لكن المفترض ان يكون الامتحان شئ مستقل دائم لمعرفة مستوى المدرسين

وبعدين انتى عايزة مدرس شامل معنى كدة ان انت بردة تبقى دكتورة بشر و بقر فى نفس الوقت مش كدة بردو اللى انت متعرفهوش ان كلما زاد التخصص كلما زاد التفوق و الجادة يعى ياحببتى المدرسين مش زعلانين من الامتحان فى حد زاتة

أنا لم أطالب بمدرس شامل لا أريد ان يشرح لي الاحصا من يشرح لي الفيزيا وفي نهاية اليوم يشرح لي عربي
أنا اتحدت ان يعرف شئ عن كل شئ و يعرف كل شئ عن شئ
أنا ادرس كل التخصصات لمدة 6 سنين في الكلية بعدها أمارس كل التخصصات لمدة سنة بعدها أتخصص و هذا لايعني ان الاطباء يجب الا يفهموا في الفيزياء او الكمياء
قد كان هناك درس في اللغة العربية للعقاد عن التخصص و للاسف حذفوه من المنهج لكنها كانت مقالة رائعة
و شكرا على احد اكثر الردود احتراما و منطقية

ابنتى العزيزة

بعد ان تتخرجى ان شاء الله وتصبحى طبيبة اطفال او جراحة مخ واعصاب اعتقد انه من غير اللائق ان تختبرك وزارة الصحة فى
الهندسة المدنية مثلا او تكنولوجيا الدفع النفاث لانه بعيد عن تخصصك
موضوعك فكرته مقبولة وتنفيذه منك جانبه الصواب المتمثل فى نقدك لاستاذتك الذين ساعدوك الى الوصول الى كلية الطب بالاضافة
الى الكثير من الاخطاء اللغوية
بالتوفيق

اسفة على الاخطاء اللغوية اولا فلقد كتبت الموضوع وارسلتة من دون ان اراجعه
انا لا أنتقدهم لكني اقر حقائق هم كانوا يعترفون بها بانفسهم
بتاكيد لن اقبل ان اختبر في هذا لكني لن امانع ان اختبر في الطب او في مجالات الحياه و الثقافة العامة

شكرا للاستاذ hmd695 على ردة

بص يا ابنتي المعلم بيغلي وقرفان من الكادر وسنينه وانتي تقولي بيتدلعوا .....................وكمان المصيبة السودا بتقولي 12 سنة تعليم وما استفديش وفي الاخر جبتي 99% طب ازاي جيبتيهم استقاظك كل يوم والذهاب للمدرسة ولا من محل الفول اللي علي اول الشارع................اعملي معروف سيبينا في الي احنا فيه ومن تدخل فيما .لا يعنية..............

أنا آسفة جدا جدا على العنوان أنا عارفة انه مستفز قوي بس انا كنت عاوزة مدرسين المنتدى كلهم يدخلوا بس شكلي كسبتهم اعداء من قبل ميقرأوا أنا فعلا غلطانة في دي
و انا مقدرة لان المدرسين زيهم زي المصرين كلهم بيغلوا
فعلا انا مستفدتش كلمة من كل دراستي من أولى ابتدائي لحد ثالتة ثانوي النظام قائم على الحفظ ولا وجود للعملي في المناهج العيب ليس في المدرسين في ذلك العيب في الناهج العقيمة و اسلوب الامتحانات والدليل اني جبت 99% بدون الاستفادة الا من منهج الاحياء و الفيزيا في 3 ثانوي و بالطبع بعض منهج العربي

ولا بالنسبه للخوة اللى كان اعتراضهم على ما جاء فى الموضوع من الفاظ تسئ الى مهنه قبل ان تسئ الى شخصيه كاتبها
ان حريه التعبير كفيله للجميع فان كان للمدرس الحف فى ابداء رايه بخصوص طالبه لديه فلما لا يكون نفس الحق لطالبه مع الاحتفاظ باحترام كلا الاثنين بعضهم لبعض و حفظ قيمه المعلم بقيمه مهنته
الاخوة الاعزاء ان الاخت طالبه الطب فى المستقبل لم تاتى بالجديد
فكيف لمعلمه اولى علوم ياتى اليها مدرس يعمل تحت اشرافها بمجموعه من الاسئله فى تخصصها فلا تستطيع الاجابه عن نصف ما جاء به
فكيف يكون ادائها امام تلاميذها
كيف يكون رد فعل الطالب عندما يرى مدرسه يخطئ فى مادته العلميه و عندما يعترض لا يجد من معلمه الا الاهانه و التقليل من رايه
ان المعلم لكى يكون معلم عليه ان يعى ان دورة ليس بان يقف رافعا راسه مقتنعا بانه الاعلى علما رغم انه مهما حاول لن يصل لقمه الجبال علما الا بدراسه مستمرة لا تتوقف عما درسه منذ سنوات و سنوات
.........
للعلم انا مدرس فى احدى المدارسى المصريه
التعليم بالفعل اصبح فاشل و نصف معلمى مصر لا يستحقون الامساك بالطباشيرة و قد يكون لهم العذر فيما وصل اليهم حالهم و لكنه ليس بالامر الذى يفرض عليهم الوقوف ذلك الموقف

بصراحة حضرتك مثال للمدرس المحترم واسفة على اي الفاظ قد اغضبتكم
ولا املك الا ان احييك من اعماقي و اعرب لك عن مدى اعجابي بحضرتك

من أنت حتى تقيمى المعلمين
أنت ولا شىء
أنت نكرة
أنت تافهة
ومش ممكن تكونى فى طب
أنت آخرك أداب ( ؟؟؟؟؟؟؟)

و مالهم بتوع اداب؟؟؟ مش فاهمة قصدك ايه على الرغم من ان العديد من المدرسين الرائعين من اداب
و المعلم ليس اله الطالب هو احسن من يقيم المعلم لانه هو من يتعامل معه
و شكرا على زوقك

بصى يا انسة
اولا اشكر فيكى تحضرك فى المناقشة التى اكيد جزء منها يرجع الى مدرسينك
ثانيا
المتحانات دى مالهاش اى دعوة بالثقافة اللى انت تقصدينها دى عبارة عن مواضيع فجأة الوزارة قالت انا هأمتحنكم فيها
م نيجى للتخصص مدرس الأعدادى ها يمتحن كأنه بيدرس منهج الثانوى اليس هذا ظلم و متقوليش ثقافة
ثانيا يا انسة النظام فاشل لان المدرس اللى مش هاينجح هيسبوه لمدة عام و بعدين يمتحنوه تانى يعنى الوزارة هاتسيبه سنة كاملة و هو فى نظرها فاشل يقعد يعلم الاولاد اكيد دة مش هايبسطك صح؟
ثالثا المفروض ان الامتحان ده يطبق على قادة الوزارة الاول علشان يعرفوا يمتحنونا
رابعا ارجو ان تكونى عرفتى رايى

عرفت رايك و بصراحة عجبني جدا ولا اعترض على حرف واحد فيه
و انا احمد الله على ان كل مدرسيني على الاقل في الثانوي كانوا اشخاص في غاية الاحترام و ساظل عمري كله مدينة لهم و نقدي لهم لا يقلل مثقال ذرة من قيمتهم و دورهم الهام في حياتي
فعلا النظام فاشل وما هو الذي ليس فاشلا في مصر؟
و اكيد الموضوع ليه عيوب كتيييير لاننا في مصر
انا كان هدفي ان حد منظم زي حضرتك كدة يوضح العيوب اللي هي اكيد موجودة
لاني لقيت كتير بيعترضوا وخلاص و كنت عاوزة اعرف راي مدرسين المنتدى اللي بحبه وبحترم كل المدرسين اللي فيه و شكرا جزيلا لحضرتك على وقتك اللي متحتوهولي علشان ترد عليا