كل المدرسين ظلموا الكادر

[fares_gent]

أتعجب لمن غشوا - فما حدث معنا اليوم كان كل أدب وإحترام فى كلية تجارة بنها فعلا المراقبين محترمين ولم ينطق بلفظ
واحد سوى توجيهنا إلى كيفية تدوين رقم الجلوس ورقم كتاب الأسئلة علما بأننا كنا نعلمهم ولكن تنبه عليه القول لنا وفعلا جلسنا
مدرسين وموجهين رياضيات نجاوب ولم يحاول أحد الغش سوى مدرس واحد وكبير فى السن وكان شكله مش ظريف ومراقب اللجنة كان
محرج منه وإحنا كمان كنا مكسوفين منه ولما شاف نفسه منتقد من الجميع إعتزر لينا وقال بصوت عالى أنا ياجماعة سايب تدريس الراضيات من زمان وبأشتغل فى النواحى الإدارية دلوقتى أنا آسف وكان هايعيط فأخذناه إلى جوارنا وحلينا له الإمتحان كل منا بقى يرد على أسئلته بعد ما قال لنا إنه إدارى من فترة وساب الرياضة وعموما كل شئ كان كويس النهارده ولكن أسئلة التربوى كان فيها شوية فزلكة من
واضعيها وعلى العمو الكادر أغلبنا مش فاهمه لكن لما نقعد بيننا وبين نفسنا ها نعرف إن الإمتحان أساسى للكادر وللترقية ممكن حد يترقى من غير إمتحان؟ طبعا لأ فالكادر ليس فلوس فقط بل ترقية ومعالجة الرسوب الوظيفى فى بعض المواد مثل الرياضيات فمثلا أنا مدرس
من 17 سنة وحتى الآن لم أرقى فى حين إن زملائى فى التخصصات التانية أحدث منى فى التعيين والتخرج أصبحوا نظار ووكلاء
بل المضحك إن تلميذى وكنت أدرس له فى المرحلة الإعدادية إتخرج صحافة وإعلام وإتعين ودلوقتى هوة معايا فى المدرسة ورئيسى فى العمل لأنه إترقى وأصبح وكيل ده كلام يرضى حد يا جماعة لازم نكون عقلانيين فى حكمنا على الأشياء وطبيعى إن الإمتحان لما
يطبق على العدد الضخم جدا والكبير ده لازم يكون له سلبيات و مشكلة الغش الجماعى إذا كان حصل غش جماعى يؤكد إنه كان لازم يكون
فيه إمتحان وشكرا