كادر جملى !!!!!

[marcko_sasa]

هو كادر جملى واللا إيه !!!!!!!!!!!!!!

فى البداية قالوا سوف تظهر النتيجة فى خلال 10 أيام .. لأن الماسح الضوئى بيصحح 10000 ورقة فى الساعة .. ونقدر بحسبة بسيطة نعرف التصحيح ممكن تكون مدته قد إيه .. وبعدين طلع الجمل وقال ان النتيجة ستكون فى أواخر اكتوبر .. (عارفين ليه حتى يفوت على المدرسين فرصة الإعتصام فى أول يوم من العام الدراسى) .. وأشك فى ذلك لأسباب الجميع يعلمها لا داعى لذكرها .. منها على سبيل المثال لا الحصر
1- البحر اللى وقع فيه الوزير والوزارة كلها . ( اللى قرفونا به فى الامتحان) .
2- عدم التناسب بين أعداد المعلمين ممن يستحقون الكادر وبين الميزانية اللازمة لذلك .
3- النسبة المئوية للنجاح والتى يجب تفصيلها بالمقاس للخروج من هذه الورطة .
4- تحديد كم الفتات التى سيلقوه للمعلمين على أرض العملية التعليمية .. عشان يزحف كل معلم ليلتقط هذا الفتات .
وغيرها وغيرها كتير من الأسباب التى ستعرقل ظهور النتيجة لا داعى لذكرها لأن الجميع يعلمها .. من أجل ذلك كله أعتقد أن النتيجة هتاخد وقت طويل فى السوى .. وذلك لأنه فعلا كادر جملى !!!!!!!