والله العظيم مستقبلنا فى ايد اطفالنا

[maldeno]

المسئول عن نهضة اى بلد او بوظان وفساد اى بلد (وبقول اى بلد) هما الشعب والحكومة...والحكومة كانت فى يوم من الايام ناس ضمن الشعب "بنى ادميين زينا يعنى" ولما الفساد يكتر فى بلد ده يدل ان الناس اللى فى البلد دى فاسدين وعندهم انحدار فى مستوى الاخلاق وانعدام فى القيم وحالتهم نيلة خالص


طب وعلشان نصلح البلد دى...يبقى لازم الناس دى تتظبط وتتصلح
ولو عايزين مستقبل البلد دى يبقى احسن يبقى نحاول نخلى الاجيال اللى هتعيش فى المستقبل دول احسن واروع واجمل وعندهم قيم واخلاق وناس محترمين...وده هيتم لما نهتم بطفل دلوقتى لما نربيه صح تربية سوية لما نختار شريك الحياة صح لما الاسرة حالها يتعدل


علشان كده احنا عاملنا حملة مستقبلنا فى ايد اطفالنا
http://www.facebook.com/group.php?gi...3716001&ref=nf

دى دعوة لكل اللى عايزين بلدهم تبقى احسن ،دعوة للشباب اللى يحب بلده ،دعوة للصحفيين والاعلاميين والدعاة وكل المصلحين....تعالوا نمسك الموضوع من اوله....خدوا بالكوا من عيالكوا
شارك معانا فى الحملة الموضوع كبير ومش بنهزر ده مستقبل أمة