اشمعنى انا..انا كمان..انا كمان هنتحر

[C A N D Y]

تخيلو معايا


المكان : مدينة المنصورة


المستشفى العام مركز السموم

الزمن : الشهر دا

الفترة الزمنية : اسبوع





1-الوقت : 7 صباحا


الاسم : اسامة


السن : 17


عمل الوالد : طبيب اسنان


طريقة الانتحار : اقراص الدواء





2-الوقت : 3 ظهرا


الاسم : مها


السن : 18


عمل الوالد : موظف حكومى


طريقة الانتحار : اقراص الدواء


سبب الانتحار : التنسيق





3-الوقت : 4 فجرا


الاسم : احمد و ايهاب


السن : فى العشرينات


طريقة الانتحار : جرعة زائدة من الخمور


سبب الانتحار : لا دول مكانوش منتحرين ...دول كانو شاربين و جايين المستشفى تهييس





4-الوقت : 3 فجرا


الاسم : فاطمة


السن : 32


طريقة الانتحار : شربت عصير اسمه هاربيك...متسالوش ازاى


الحالة الاجتماعية : متزوجة و منتقبة(دى كانت فضيحة)





5-الوقت : 1 صباحا


الاسم : اسلام


السن : 19


طريقة الانتحار : سم الفئران





6-الوقت : 12 ليلا


الاسم : وليد


السن : 4 اعوام


طريقة الانتحار : اقراص الدواء


سبب الانتحار : اكيد يعنى اهبل و مش قصده بلاش دوشة

تخيلتو معايا؟


طب اى رأيكو لو عرفتو ان دا مش مجرد تخيل


ايون ايون كل دا بجد

طب اى اللى خلانى اكتب الموضوع؟


النهاردة كان بقالى يومين مش نمت بسبب ظروف و خناقة جامدة


المهم دادى كان بيوصلنى البيت


و احنا فى نص الطريق جاله تليفون ان واحد منتحر


مش معقول طبعا هيوصلنى و يسيبه يموت


المهم خدنى معاه


و انا اعدة فى المستشفى حاجةطبعا نديفة و مكيفة و معقمة و الناس مش صايمة و جاية بتحب بعض و مرتبها عالى و نفسها مفتوحة كتير للشغل


اعدت اتفرج...و بما انه مركز سموم شفت بلاوى


بس علقت معايا حكاية الانتحار دى


لانها كتير اوى


تخيلو كل دا فى اسبوع


رحت اتفرج ع الكشوفات اللى عندهم


لقيت كل دا و اكتر من دا و ما خفى كان اعظم


رجعت تانى افكر فى المشاكل اللى عندى


و المرة اللى فكرت انتحر فيها


بجد بعترف ان انا كنت هبلا


مكنتش عارفة ان اللى انا فيه دا ولا حاجة و ان كل ما بنكبر مشاكلنا بتكبر معانا


نفسى بأى كنتو تتخيلو التعبير اللى على الولد لما دادى دحك عليه و قاله انه خلاص مش هيعيش


بردو حس انه ندمان و اهبل


يعنى اكيد فى حاجة حلوة فى حياته تستحق انه يعيشلها

الحمد لله دول كلهم محاولاتهم فشلت


بس عايزة اعرف ليه ناس كتير بتخاول تنتحر معظمها فى سن المراهقة


لفت انتباه ؟


لا بيتهيألى انهم اكبر من انهم يخاطرو بحياتهم لمجرد لفت الانتباه


طب يأس م الدنيا؟


اكيد لازم كل واحد فيه امل انه لو اجتهد بكرا هيبأى احسن


هيرتاحو؟


لو كانو فاكرين ان الموت راحة يبأو غلطانين ...مهما كان عذاب الدنيا اكيد مش هيكون زى عذاب القبر بالذات لواحد منتحر

انا بيتهيألى انه ضعف شخصية


بدل ما يواجه مشاكله و يحاول يغيرها و يثبت نفسه بيهرب


و فى الاخر بيندم لما يحس انه خلاص هيموت


و اكتر من دا كله دا ضعف ايمان

سؤال الحلقة


تفتكرو دول بينتحرو ليه؟

تفتكر ان ممكن فى يوم اليأس يتملكك لدرجة انك تنتحر؟

واحد قدامك ناوى ينتحر و لنفرض صاحبك لا قدر الله...وجهله رسالة..هتقولله اى؟؟؟

يا ريت محدش يجيب سيرة احوال مصر لان اولا دى 80 مليون فيها مش هما بس و ثانيا لان اكبر نسبة انحارات موجودة فى اميركا


طولت كالعادة انا عارفة و نفسكو تخلصو منى


بس يا ريت اشوف ردود


و اللى هيقوللى شكرا دا بجد بجد .....