للرجاال جميل العزاء . . وللنساء طوول البقاء

COoL HEaRT · #16 28-09-2008, 08:51 PM

موضوع جميل جدااااااااا يا ترافل اكتر موضوع قريته النهارده وعجبنى .. بس معلش هعلق ع الرد الاخير بعد اذن حضرتك

اقتباس:

المشاركة الأصلية كتبت بواسطة mohammed.el_sadat

أنا واحد من الناس اللى مؤمنين جداااا بإن عمل المرأه غير مقبول تماماً وإن عمل المرأه بيكون داخل الأسره تربى أولادها تاخد بالها من جوزها وهكذا هتقولى طب ليه بنتعلم من الأول
بتتعلموا عشان تربو أولادكم صح
" الأم مدرسه إذا أعددتها أعددت شعب طيب الأعراق "

لا طبعا الام مدرسه وكل حاجه
وفعلا المرأه نص المجتمع وهى التى تربى النص الاخر
بس مش معنى كده ان احنا نقعدها فى بيتها عشان عيالها وجزها
اثباتها لنفسها حاجه كويسه
وانا مش عمل المرأه فى حاله انها تكون متجوزه
فى الوقت الحالى والكلام اللى ع ارض الواقع يا محمد
محدش لاقى جواز
مش هربط نفسي واستنى عريس الغفله لما يجى
ولو مجاش ابقى خلاص ضيعت كل حاجه
ليه عشان ايه يعنى
الصراحه
الست تنزل وتشتغل فى كل حاجه
ايه المشكله
مش حراام
الشغل مثلا لو مدرسه مش هتعلم وتربى
لو كانت طبيبه ولا ممرضه مش بداوى وتعالج
لو مهندسه مش بتبنى وتعمر بلدها
لو فعلا مش نشتغل يبقى مش نتعلم الا المبادىء الاوليه
كام كلمه ونعرف نكتب عشان منبصمش
والارقام ونتعلم نقول الساعه كام
هو ده اللى يفيدنا فى حاله انى اقعد فى البيت
بس مش انى اخد ثانويه واروح دروس واجى من دروس وفى الاخر اروح اعد فى البيت

ومؤمن أيضاً بإن من الأسباب الرئيسيه للى إحنا فيه دلوقتى هو عمل المرأه
عارفين ليه
لأن بمنتهى الصراحه معظم النساء دلوقتى مبيعملوش بجهدهم بل بيعملو بجسدهم وأعتزر عن الصراحه واللى مش مصدق كلامى يفتح الجرنال فى أى يوم ويشوف صفحه الوظائف هيلاقى مواصفات البنت المطلوبه جميله حسنه المظهر

هى مش صراحه يا محمد
دى غلطه منك
عمر مكان حسن المظهر حاجه وحشه
بس مش مشكله الحكايه دى
انا مش بتكلم ع المرأه اللى بتروح
تعمل عرض ازياء
انا بتكلم ع اللى بتشتغل بجد
معتقدش ان كل الستات اللى نازله الشارع ورايحين يشتغله
لابسين المينى جيب والبدى اللى ع الكمر
بالعكش فى ناس ناجحه جداا فى شغلها وفى حياتها
مع انى مش مع شغل الست وهى عندها اطفال
ممكن تاخد اجازه وترجع بعد كده تكمل

المرأه فاكره إنها حطمت القيود وطلعت بره عصر الجاهليه اللى كانت عايشه فيه وإنها بقت فى المقدمه بعملها لكن المشكله إنها خلعت ثوب العفه والطهاره وخرجت للميادين كى يباع عرضها على الملأ غير آبيه بتعاليم الدين

مش فاهمه انت بتتكلم عن مين
هم اللى نازلين يشتغلوا او اللى انت شفتهم لابسين ايه
ولا ايه تعريف
ثوب الطهاره والعفه فى رايك
وكلمه ابيه بتعاليم الدين
كانك كفرت اللى بيشتغلوا
تعرف
انا ماما مش بتشتغل وقعدت اقنعها كتير تنزل رفضت عشنا
بس انا ان شاء الله ناويه اشتغل وانا بدرس اصلا
فمحبش حد يتكلم كده
لان مش كل اللى نازله شغل راحه تكلم راجل ولا دور ع عريس
ولا راحه تغازل مدير شركتها مثلا
يبقى كده نقول يا رحمن يا رحيم ع المجتمع كله مش الستات بس

دا رسولنا الكريم قال
إن صلاه المرأه فى البيت أفضل من صلاتها فى المسجد
طب ده ليه
ياترى حد ممكن يرد عليا شايفين العباده فى البيت أفضل من المسجد العباده اللى بنعبد فيها ربنا لو عملتها فى البيت أفضل لها
طب ليه ردو عليا
؟!

هنتكلم فى الدين
مفيش مانع

بص يا محمد
الاول هقلك من الناحيه الدنيويه قبل مندخل فى الدين
فى كام اسره مش ليهم راجل يصرف عليهم
سواء ارامل او مطلقات
دول مينزلوش الشارع ويشتغلوا ليه
ومتقليش حرام
لان لما المراه تنزل تصلى فى الشارع او الجامع اقصد مش حراام
بس المستحب البيت
بس مفيش نص صريح بيقول حرمانيه
المهم
الفقهاء كلهم مجتمعين ع ان الزواج للعشره الزوجيه ومش للعبوديه
يعنى الحياه الطيبه بين الزوجين
مش متجووزها عبده تغسله وتمسحله
واكيد انت عارف ان الكلام ده بتعمله الامهات تفضل منهم
اما هى مش ملزمه
والايه الكريمه الى بتقول

((وقل للمؤمنات يغضضن من ابصارهن ويحفظن فروجهن ..))الى اخر الايه الكريمه مفيهاش تحريم للعمل
وفى ايه كريمه بتقول

اقتباس:

((وَلَمَّا وَرَدَ مَاءَ مَدْيَنَ وَجَدَ عَلَيْهِ أُمَّةً مِنَ النَّاسِ يَسْقُونَ وَوَجَدَ مِنْ دُونِهِمُ امْرَأتَيْنِ تَذُودَانِ قَالَ مَا خَطْبُكُمَا قَالَتَا لَا نَسْقِي حَتَّى يُصْدِرَ الرِّعَاءُ وَأَبُونَا شَيْخٌ كَبِيرٌ".))

يعنى بردو القران محرمش ده .. بل بالعكس دول ليهم سبب ان والدهم شيخ عجوز
والمرأه المطلقه والارمله ليها ببها

و
فى الآخر تقولو مساواه بجد المرأه صعبانه عليا

وانا صعبانه عليا بردو ان محدش فاهم اهميه ده بالنسبه ليها .. لا عمل المراه حاجه علمانيه ولا غيره .. عمل المراه طبيعى فى ظل الظروف الراهنه دى ... اسفه ع الاطاله