فكر فى مستقبلك من اولها قبل ماتيجى تقول يارتنى

[كوكو الشقى]

كلمة كنت على طول بسمعها من قبل ما ادخل الكلية: فكر فى مستقبلك من اولها قبل ماتيجى فى الاخر تقول يا ريتنى طبعا كل اما حد بيجى يقولى الكلمة دى انا كنت بسمع ومنصت وبعد كدة اكنك يا ابو زيد ما غزيت ودن من طين وودن من عجين قعد اقول يااااة بعد كل مذاكرة ثانوى الرخمة دى هقعد تانى اذاكر وهاتعب نفسى تانى دة خلاص وقت الانطلاق جية انا بقيت مسووول عن كل تصرفاتى وحصلت مواقف غريبة خليتنى اقعد اركز فى الكلمة دى وافكر فيها قلت اعمل مقارنة مابين انى دخلت الجامعة وقاضيتها وانى اتعب شوية مش مهم اربع سنين لاقيت ان الكفة الراجحة فعلا هى انى اتعب شوية تعالوا كدة نقارن ونشوف انهى احسن

اولا: لو انتا او انى داخلين الجامعة واخدنها تسلية
(1) هتاخد السنة فى سناتين
(2) هتشوف اصحابك اللى انت كنت مثلا اشطر منهم فى ثانوى معديين السنة وانتا لسة قاعد فيها هيبقى شعورك اية ساعتها
(3)هتبص لنفسك فى سنة رابعة هتلاقى نفسك طالع بمقبول
(4) بعد التخرج هتلاقى ناس اشتغلت فى بنوك بسب تقديرها وانتا لسة محلك سرهتعمل اية بعد كدة مافيش حد يساعدك ويجى فى الاخر يقولك انا مش لاقى شغل ماهو كل دة بسبب التقدير


ثانيا:لو انتا او انتى واخدنها جد
(1)عمر المذاكرة ما هتبقى زى ثانوى وهيبقى حتى فى جو من المرح داخل الكليةوخروجات بس فى المعقول اللى هى ماتخليش الواحد ينسى هدفة اللى داخل الكلية علشانة
(2) هلاتقى نفسك بتجيب جيد جدا
(3)هتلاقى نفسك على اخر سنة جايب تقدير يشرفك
(4) هتشتغل فى اى مجال من اللى انتا درستة وعمر ما الواحد هيكون جايب تقدير كويس ودة بجانب الكورسات ومش هيلاقى شغل فى مجالة ......... ولو انا كلامى غلط قولولى
(اى من الاختيارين احسن ليكم)
بس باللة عليكم اى نصيحة من اى صديق فى المنتدى سواء كان فى السنة الاولى من الكلية او السنين الاخرى يقوم بتقديمها...........
وارجو انى مكنش طولت عليكم