عيدتو ....... طيب قضيتو العيد ازاااااااي ؟؟!!!

[CoMMaNdo]

موضوع جامد يا سندريلا يخلى الناس تفضفض شويه :D

العيد دا انا كنت هاقضيه فى البيت وعلى الكمبيوتر زى كل سنه بس حصل تغيير المرة دى
يوم ليلة العيد الساعه تلاته الفجر كدا اتصلو بينا ويقولو فرح ابن عمتك بكره
قمنا رايحين انا واخواتى الاتنين وسافرنا الفجر ووصلنا هناك عالساعه 8 كدا الصبح
بس المنصورة بقى ايه حاجه تانيه والعيد هناك شكل تانى
هنا فى الهرم كله قافل بابه ومحدش بيسال على حد
لكن هناك اول موصلنا وقعدنا واكلنا
كل شويه ناس خارجه وناس داخله تعيد وتقعد شويه وتمشى ويجى ناس تانيه
فيه صلة رحم :D
المهم بقى احنا فطرنا وكلنا اكل تمام واخواتى نامو وانا الى فضلت قاعد
خرجت مع ابن عمتى روحت المحله بلد جميله جدا جدا
ووقفنا عند البغل شويه :D
وكملنا اليوم
وتانى يوم طلبت معانا بقى اننا نصطاد سمك
المهم جبنا غابتين من الارض هناك وكل واحد جهز صنارته
ونزلنا عشان نجيب الطعم ملقناش طعم فى الارض :D
قومنا روحنا نصطاد بغله ( قمح بليله يعنى )
فقعدنا يجى اربع ساعات ومفيش ولا سمكه طلعت
والى يغيظك بقى راجل يجى يقعد جنبنا وكل مايحط الصناره يجيب سمك
مش عارف متفق مع السمك دا بقى ولا ايه:D
فرجعنا وكل واحد اتشطف ونام عشان محدش يقعد يتسلى علينا ويشمت فينا عشان مجبناش سمك
هههههههه
وتالت يوم خرجنا وزورت العيله كلها بقى
بطنى اتنفخت من الاكل والشرب اليوم دا والله
ههههههه

كل لما نخش عند حد لازم يخلينا ناكل ولو ماكلناش يقوم حالف وناكل بالعافيه
ههههههههههه

ورجعت بقى الهرم هنا وكان نفسى اقعد على طول هناك والله
انا بفكر احول جامعه المنصورة احسن من هنا

ودى بقى شوية صور من الرحله من تصويرى:D


دى صورة كوبرى السنيطه ( كفر عوض ) منظر تحفه والله

http://img509.imageshack.us/img509/91/1010zl4.jpg




وزى مانتو عارفين الجو بيبقى حر فدى صورة جاموسه كانت بتحاول تتخلص من الحر دا ::D
http://img184.imageshack.us/img184/7759/ga100ah7.jpg




ودا المكان الى كنا بنصطاد فيه ودى الصنارة بتاعة اخويا :D
http://img56.imageshack.us/img56/8608/senaraiu7.jpg


ودا منظر طبيعى بس جامد :D
http://img516.imageshack.us/img516/4959/aaaus7.jpg
http://img253.imageshack.us/img253/3637/ma7alaeh8.jpg


ودى بقى صورة الواد ابن اخويا عمر
http://img257.imageshack.us/img257/7895/omarte2.jpg


طولت عليكم انا صح بس معلش اعذرونى بقى حبيت احكى شويه:P