كرسى الاعتراف

[احمد رضا]

عندى كام سؤال كده تانيين اخر حاجه عشان مابقاش بايخة بقى
1- اذا اضطرتك الظروف انك توقف عضو معين والعضو ده صاحبك اووووى هتعمل ايه ؟ ولو وقفته فعلا هيكون احساسك ايه ؟

هوقفه عادى خالص .. ابقي اسأليهم هنا وهما يقولولك انا بتعامل ازاي برا

2- اذا اصبحت معيد فى كلية ما ودخلت تدرس لطلاب بينك وبينهم سنتين او تلاته مش اكتر هيكون شعورك ايه ؟ وهتبقى محرج من الموقف ده ولا هتبقى مبسوط؟

طبعا مش محرج .. انا اجتهدت أكتر منهم .. والسن العمري ده مبقتنعش بيه .. انا ممكن احترم طفل عنده 11 سنه لو مثقف وعنده معلومات اكتر مني

3- بتحب الكيمياء ولا لاه ؟ جبت فيها كام فى الثانوية العامة؟ (ومن غير حسد والله)

مش بحب الكيمياء ولا الرياضيات ولا الفيزياء .. كقوانين .. لكن بحبهم كعلم .. اما جبت فيهم كام .. انا بتحسد يابنتي
انتي مش هتحسديني الباقي هيحسدني الله

4- مين من اعضاء المنتدى فى وجهة نظر حضرتك بيصطنع الاحترام وبيصطنع التدين (ياريت من غير دبلوماسية عشان الغلطان يعرف غلطه)

النصح في العلن فضيحه .. تأكدي اني لما الاحظه بيزيد عن حده .. هقوله في رساله خاصه

5- ايه الاحسن ان الانسان يحب ولا ينحب ؟ وليه ؟

بصراحة الإتنين إحساسين غير مُشبعين
وفي معظم الأحيان لو بنتكلم عن ارتباط وزواج وكلام كدا
يبقي الاتنين هيؤدي لبعض
يعني انا لو خطيبتي - زواج صالونات - بتحبني وانا مش بحبها وبلاقيها دايما بتعمل اي حاجة عشان ترضيني وفيها كل الحاجات اللي بتعجبني اكيد هحبها من غير شك
ولو انا بحب خطيبتي - زواج صالونات - وهي مش بتحبني هعمل اي حاجة عشان اعجبها وعشان ارضيها - في نطاق المحدود وكرامتي - اكيد بردو هبقي قدام عيونها كويس وتحبني
كدا يعني
بس اجمل ما في الكون
ان الاتنين يكونوا بيحبوا بعض وعلي تفاهم

مش فاكرة حاجة تانى كفاية كده بقى نخلى شوية اسئلة للعضو الجاى ان شاء الله

ههههههههههههههه
ماشي بتطرديني يا هاله
ماشي